لاہور پولیس آپریشنز ونگ کی منشیات فروشوں کے خلاف کارروائیاں

Spread the love

لاہور
گذشتہ ماہ773منشیات فروش گرفتار،763مقدمات درج
منشیات فروشی جیسے گھناؤنے کاروبار میں ملوث افراد کسی رعائت کے مستحق نہیں۔

ڈی آئی جی آپریشنز لاہورساجد کیانی نے کہا ہے کہ منشیات فروشی کے تدارک کیلئے سخت اقدامات عمل میں لائے جا رہے ہیں۔ لاہور پولیس آپریشنز ونگ کی منشیات فروشوں کے خلاف انٹیلی جنس بیسڈ کارروائیاں جاری ہیں۔ڈی آئی جی آپریشنز نے کہاکہ منشیات فروشی جیسے گھناؤنے کاروبار میں ملوث افراد کسی رعائت کے مستحق نہیں۔ معاشرے کے ہر فرد کو نئی نسل کو نشہ کے ناسور سے محفوظ رکھنے کے لئے کردار ادا کرنا ہو گا۔تفصیلات سے آگاہ کرتے ہوئے ڈی آئی جی آپریشنز نے بتایا کہ لاہور پولیس آپریشنز ونگ نے ماہِ مارچ کے دوران 773منشیات فروشوں کو گرفتار کر کے شہر کے مختلف تھانوں میں 763 مقدمات درج کئے۔ ملزمان کے قبضہ سے 270کلو 770گرام چرس، 07کلو580گرام ہیروئن،393گرام آئس،7928لٹرشراب سمیت بھاری مقدار میں افیون بھی برآمد کی۔منشیات فروشوں کے خلاف سٹی ڈویژن پولیس نے172، کینٹ167،سول لائنز ڈویژن نے90،صدر ڈویژن نے118، اقبال ٹاؤن86 جبکہ ماڈل ٹاؤن ڈویژن پولیس نے130 مقدمات درج کئے۔ساجد کیانی نے ڈویژنل ایس پیز،ڈی ایس پیز اور ایس ایچ اوز کو تعلیمی اداروں کے گرد ونواح میں منشیات فروشوں کے خلاف کارروائیاں مزید تیز کرنے کی ہدایت کی۔انہوں نے کہا کہ لاہور پولیس منشیات فروشوں سے آہنی ہاتھوں سے نمٹے گی۔ شہریوں سے اپیل ہے کہ منشیات فروشوں کے قلع قمع میں لاہور پولیس کا ساتھ دیں۔

اس خبر پر اپنی رائے کا اظہار کریں

اپنا تبصرہ بھیجیں