جہلم ڈسٹرکٹ ہیلتھ اتھارٹی کے ترجمان ڈاکٹر میاں مظہر حیات کی جانب سے جاری کردہ پریس ریلیز

Spread the love

جہلم(چوہدری عابد محمود +سید مظہر عباس)جہلم ڈسٹرکٹ ہیلتھ اتھارٹی کے ترجمان ڈاکٹر میاں مظہر حیات کی جانب سے جاری کردہ پریس ریلیز کے مطابق گزشتہ روز مزید کوئی کورونا وائرس کا نیا کیس رپورٹ نہیں ہوا۔اس وقت جہلم میں 5 کورونا وائرس سے متاثرہ مریض ہیں جن میں کورونا وائرس بیماری کی کوئی علامات نہیں ہیں ان افراد کو گھروں میں آئسولیٹ کیا گیا ہے،محکمہ صحت کے ترجمان کے مطابق گزشتہ روز تک کورونا وائرس کے مشتبہ 17581 افراد کے نمونے لے کر لیبارٹری بھجوائے ہیں جن میں سے 496 افراد کی رپورٹ مثبت آئی ہے۔اب تک 482 کورونا وائرس سے متاثرہ مریض صحت یاب ہو کر گھروں کو جا چکے ہیں۔ اب تک کورونا وائرس سے 9 اموات ہوئی ہیں۔محکمہ صحت جہلم نے ڈی سی صاحب کی ہدایت پر عمل کرتے ہوئے پچھلے 24 گھنٹوں کے دوران مختلف سکولز اور کالجز کے 502 افراد کے نمونے لے کر کورونا وائرس کی تشخیص کے لیے لیبارٹری بھجوائے ہیں۔اب تک سرکاری اور پرائیویٹ کالجز کے 1059 طلباء اور اساتذہ کے نمونے بھجوائے گئے جن میں سے 1 پروفیسر صاحب کی رپورٹ مثبت آئی تھی جو کہ اب مکمل صحت یاب ہو چکے ہیں اور 1 طلباء کی رپورٹ مثبت موصول ہوئی جبکہ 633 افراد کی رپورٹ منفی موصول ہوئی اور 424 افراد کی رپورٹ ابھی تک موصول نہیں ہوئی۔اس کے علاوہ اب تک سرکاری اور پرائیویٹ سکولز کے 8751 اساتذہ اور طلباء و طالبات کے نمونے لے کر کورونا وائرس کی تشخیص کے لیے لیبارٹری بھجوائے جن میں سے 5952 افراد کی رپورٹ منفی موصول ہوئی اور 2799 افراد کی رپورٹ ابھی تک موصول نہیں ہوئی۔

Please follow and like us:

اس خبر پر اپنی رائے کا اظہار کریں

اپنا تبصرہ بھیجیں