جہلم چک دولت اور ملوٹ سے آنے والے ڈمپروں کی وجہ سے شہر کی سڑکیں ٹوٹ پھوٹ کا شکار

جہلم(چوہدری عابد محمود +دانیال عابد چوہدری)جہلم چک دولت اور ملوٹ سے آنے والے ڈمپروں کی وجہ سے شہر کی سڑکیں ٹوٹ پھوٹ کا شکار شہر کے مضافاتی علاقے جن میں چک دولت، پنڈی موڑ معصوم پور، کالا دیو، چونترا، کھرالہ، بلال ٹاؤن، بیگ پور، بنی، گھرمالہ، روہتاس روڈسمیت دیگر مضافاتی علاقوں کی سڑکوں کا برا حال ہو چکا ہے، کریش، خاکہ، اینٹیں، مٹی اور ریت لانے والے ڈمپرز نے اندرون شہر کی اربوں روپے کی لاگت سے تعمیر ہونے والی سڑکوں کو گڑھوں میں تبدیل کر دیا ہے، متعلقہ اداروں کے افسران و اہلکار ان کریشن مالکان کے سامنے بے بس نظر آتے ہیں روزانہ درجنوں کی تعداد میں ملوٹ، چک دولت سے آنے والے ڈمپرز نے روہتاس روڈ، چک دولت روڈ، کچہری روڈ کو تباہ و برباد کردیا ہے، جس کیوجہ سے سڑکوں پر پڑنے والے گڑھوں کے باعث روزانہ کی بنیاد پر حادثات رونما ہو رہے ہیں، قیمتی جانوں کے ضیاع کے ساتھ ساتھ درجنوں افراد معذوری کی زندگیاں گزاررہے ہیں، شہریوں نے وزیر اعلیٰ پنجاب،، چیف سیکرٹری پنجاب، آئی جی پنجاب، آر پی او راولپنڈی، ڈی پی او جہلم، ڈی ایس پی ٹریفک، آرٹی اے سیکرٹری سے مطالبہ کیا ہے کہ اندرون شہر کی سڑکوں کے داخلی و خارجی راستوں پر انتظامیہ نے بھاری گاڑیوں کے داخلے پر پابندی عائد کرنے کے بورڈ آویزاں کر رکھے ہیں لیکن بااثر ڈرائیورز روزانہ کی بنیاد پر شہر کی سڑکوں پر موت کا رقص کرتے نظرآتے ہیں۔