لندن (عارف چودھری)
ذرائع کا کہنا ہے کہ اسحاق ڈار وزیراعظم شہباز شریف کے ساتھ ہی پاکستان روانہ ہوں گے، نواز شریف اور شہباز شریف کے درمیان دو دن کی طویل مشاورت کے بعد فیصلہ ہوگیا۔
ذرائع کا کہنا ہے کہ اسحاق ڈار منگل کو بطور وزیر خزانہ حلف اٹھائیں گے۔
اسحاق ڈار منگل کو وفاقی وزیر خزانہ کا عہدہ سنبھالیں گے، ذرائع
سابق وزیراعظم نواز شریف نے مشورہ دیا کہ پاکستان جانا ہی ہے تو شہباز شریف کے ساتھ جائیں۔
ذرائع کا کہنا ہے کہ بدھ کو اسحاق ڈار کا پاکستان روانگی کا ٹکٹ کنفرم تھا، نواز شریف کی ہدایت و مشورے پر وزیر اعظم کے ساتھ جانے کا فیصلہ کیا۔
یاد رہے کہ مسلم لیگ (ن) کے قائد میاں محمد نواز شریف اور وزیراعظم شہباز شریف کی ملاقات سلیمان شہباز کی رہائش گاہ پر ہوئی جہاں اسحاق ڈار بھی میٹنگ میں شریک ہوئے۔
