وزیرآباد(نا مہ نگار) اسسٹنٹ کمشنر وزیرآباد محمد رب نواز چدھڑ کامیرج ہالز کا وزٹ، ون ڈش کی خلاف ورزی اور صفائی ستھرائی نہ ہونے پر لاکھوں روپے جرمانے عائد۔اسسٹنٹ کمشنر محمد رب نواز چدھڑ نے دیگر عملہ کے ہمراہ مختلف میرج ہالز اور مارکیز کا وزٹ کیا ون ڈش کی خلاف ورزی اور صفائی کا نظام درست نہ ہونے پر ایڈن مارکی اور ایگزیکٹو مارکی کو فی کس ایک،ایک لاکھ روپے اور دیگر ایک لاکھ، پچاس ہزار،مجموعی طور پر تین لاکھ، پچاس ہزار روپے جرمانہ عائد کیا۔اسسٹنٹ کمشنر محمد رب نواز چدھڑ نے میڈیا سے گفتگو کرتے ہوئے کہا کہ کسی کو بھی حکومت کی پالیسی کے خلاف کام کرنے کی اجازت نہیں دی جائے گی انتظامیہ حکومتی احکامات پر عمل کرانا جانتی ہے اور اگر کسی میرج ہال،مارکیز مالکان نے اپنا قبلہ درست نہ کیا تو آئندہ اسکے خلاف سخت قانونی کاروائی عمل میں لائی جائے گی اور کسی قسم کی رعایت کے مستحق نہ ہونگے۔
