وزیرآباد(نامہ نگار) وزیرآباد نامعلوم افراد کی فائرنگ دبئی پلٹ نوجوان زخمی،نوجوان جماعت اسلامی یوتھ ونگ کا مقامی راہنما ہے،نوجوان دھونکل سے واپس گھر جا رہا تھا ملزمان نے دھونکل روڈ شیر شاہ سوری باولی کے قریب فائرنگ کر دی اسپتال منتقل پولیس تھانہ صدر مصروف تفتیش.وزیرآباد کے علاقہ محلہ سیٹھاں نظام آباد کا رہائشی اور جماعت اسلامی یوتھ ونگ کا راہنما احسن بٹ اپنے عزیزوں کے ہاں نواحی قصبہ دھونکل میں ملنے گیا ہوا تھا کہ واپس آتے ہوے شیر شاہ سوری باولی کے قریب نامعلوم موٹر سائیکل سوار مسلح دو ملزمان نے فائرنگ کر دی گولیاں نوجوان کی دائیں پنڈلی میں لگیں فائرنگ کی آواز سن کر نوجوان کے ساتھ دوسری موٹر سائیکل پر سوار اسکے بہنوئی اور دوست کے آگے بڑھنے اور موقع پر پہنچ جانے کے بعد ملزمان موقع سے فرار ہو گئے نوجوان کو ابتدائی طبی امداد کے لیے سول اسپتال وزیرآباد منتقل کر دیا گیا جبکہ پولیس تھانہ صدر نے جائے وقوعہ کے معائنہ کے بعد تحقیقات کا آغاز کر دیا ہے۔
