جہلم ( بلال رضا) ریسکیو 1122 جہلم نے سال2024 میں مجموعی طور پر24373افراد کو ریسکیو کیا۔انجینئر سعید احمد ڈسٹرکٹ ایمرجنسی آفیسر ریسکیو 1122جہلم
سال2024ریسکیو1122 جہلم نے شاندار کارکردگی کا مظاہرہ کیا۔
بانی ڈائریکٹر جنرل / سیکریٹری ایمرجنسی سروس ڈیپارٹمنٹ ڈاکٹر رضوان نصیر (ستارہ امتیاز) کی ہدایات کے مطابق سال 2025سیفٹی کا سال ہو گا۔ تاکہ محفوظ معاشرے کے قیام کا مقصد حاصل کیا جائے۔
ڈسٹرکٹ ایمرجنسی آفیسر انجینئر سعید احمد کی قیادت میں سالانہ کارکردگی کا جائزہ اجلاس منعقد ہوا جس میں ریسکیو اینڈ سیفٹی آفیسراعجاز احمدتحصیل پنڈ دادنخان، کنٹرول روم انچارج صابر حسین جہلم، سینئر اکاؤنٹنٹ محمد شیراز، تمام تحصیلوں کے اسٹیشن کوآرڈینیٹرز اور دیگر سینئر آفیشلز نے شرکت کی۔
سال 2024 میں جہلم کے ریسکیورز نے اپنے بلند حوصلے اوربہترین پیشہ وارانہ صلاحیتوں کا استعمال کرتے ہوئے اعلیٰ کارکردگی کا مظاہرہ کیا۔
ریسکیو1122 جہلم نے بروقت رسپانس کرتے ہوئے مجموعی طور پر 24373لوگوں کو ریسکیو کیا اور ابتدائی طبی امداد فراہم کرنے کے بعد 15189 مریضوں کو ہسپتال منتقل کیا۔سال 2024 میں اوسط ایمرجنسی رسپانس ٹائم 8منٹ رہا ۔
تفصیل کے مطابق ریسکیو 1122 جہلم کنٹرول روم کو مجموعی طور پر98203 فون کالز موصول ہوئیں جن میں سے 22571ایمرجنسی کی کالز تھیں۔ ان میں 3749روڈ ٹریفک ایکسیڈینٹ، 15200میڈیکل ایمرجنسی،359فائرایمرجنسی، 330کرائم کیس،28 ڈوبنے کے واقعات، 01 عمارت گرنے کا واقعہ اور 2903متفرق ایمرجنسیز تھیں۔
سال 2024 میں مختلف ایمرجنسیز میں کل 790 افراد جان کی بازی ہار گئے، جبکہ نالہ گہان میں آ نے والے سیلاب میں120 افراد کو ریسکیو کیا گیا ۔
علاوہ ازیں پیشنٹ ٹرانسفر سروس کے تحت بہتر طبی سہولیات کے لئے تحصیل ہیڈ کوارٹرز اور ڈسٹرکٹ ہیڈکوارٹرز ہسپتالوں سے2040 مریضوں کو راولپنڈی، اسلام آباد اور سرگودھا کے بڑے ہسپتالوں میں شفٹ کیاگیا۔
اس موقعہ پر انچارج ریسکیو1122 جہلم انجینئر سعید احمد کا کہنا تھا کہ ریسکیو1122کے جوان کسی بھی ایمرجنسی یا سانحہ سے نمٹنے کے لئے ہر وقت تیار ہیں۔ریسکیو1122 کا ادارہ عوام کا ادارہ ہے اور ہم عوام کی فلاح کے لئے کام جاری رکھیں گے۔ ہمارا مقصد عوام الناس کو بر وقت بہترین ریسکیو سروس مہیا کرنا ہے۔رپورٹ کے مطابق سال2024 میں ریسکیو 1122 جہلم کو 44603 غیر ضروری کالز موصول ہوئی ہیں۔لہذا ہم عوام سے درخواست کرتے ہیں کہ وہ اس نمبرپر غیر ضروری کالز سے اجتناب کریں۔کیونکہ ایسا کرنے سے کسی مستحق شخص جس کو سروس کی اشد ضرورت ہو،اس کی جان بھی جا سکتی ہے۔
اس کے علاوہ کمیونٹی سیفٹی ونگ ریسکیو 1122 جہلم کی جانب سے بلند عمارتوں کا سروے بھی کیا گیا، اور مالکان کو عمارات کی سیفٹی کے قوانین پر عملدرآمد کرنے کے لیے ضروری ہدایات دی گئیں تاکہ بلند عمارتوں کو محفوظ بنایا جاسکے۔
علاوہ ازیں محفوظ معاشرہ کے قیام کے لئے مختلف اداروں،سکولز، کالجز،اور یونین کونسلز کی سطح فرسٹ ایڈ اور کیڈرے کی تربیت دی گئی۔جن میں شہریوں کو حادثات سے آگاہی، ابتدائی طبی امداد اور دیگر میڈیکل حادثات سے متعلق تربیت دی گئی۔ اس کے علاوہ قدرتی آفات اور دیگر حادثات سے متعلق فرضی مشقوں کا بھی انعقاد کیا گیا۔
