جہلم(اختر شاہ عارف) میٹرینٹی اینڈ چائیلڈ ویلفیئر ایسوسی ایشن(ایم سی ڈبلیو اے) رجسٹرڈ المرکزجہلم کا ماہانہ اجلاس آج مورخہ 06-فروری2025ءکو گلشن حقیق ہال المرکزجہلم میں منعقد ہوا۔جس میں ڈاکٹر شہناز شاہد،ڈاکٹر شہزانہ امتیاز،سیدہ شاہدہ شاہ،کرنل(ر)محمد عبید مرزا،ڈاکٹر شاہد تنویر،ڈاکٹر محمد اسد مرزا،عبدالغفور چوہان،ڈاکٹر عائشہ مرزا،روبینہ تبسّم سابق پرنسپل گورنمنٹ مدرستہ للبنات جہلم،سعدیہ مزمل،سیدہ تہمینہ عروج،مسز فلک ناز سیٹھی،فرزانہ اجمل،نور فاطمہ،تہمینہ گل چوہدری اور سید اختر علی شاہ نے شرکت کی۔اجلاس کا آغاز تلاوت کلام پاک سے ہوا۔جس کے بعد ہدیہ نعت رسولِ مقبول صلی اللّٰہ علیہ وآلہ وسلم پیش کیا گیا۔اس کے بعد تمام حاضرین نے مل کر قومی ترانہ پڑھا۔قومی۔ترانے کے بعد تمام مرحومین بالخصوص ادارے کے مرحومین کی ارواح کے ایصالِ ثواب کے لیئے فاتحہ خوانی اور تمام بیماروں کی صحت یابی کیلئے اجتماعی طور پر دعا مانگی گئی۔جنرل سیکرٹری سیدہ شاہدہ شاہ نے گزشتہ ماہ کے اجلاس کی کارروائی پڑھ کر سنائی۔فنانس سیکرٹری کرنل(ر) محمد عبید مرزا نے فنانس رپورٹ پیش کی۔ایم سی ایچ سنٹر انچارج تہمینہ گل چوہدری نے سنٹر کی رپورٹ پیش کرتے ہوئے کہا۔کہ گزشتہ ماہ اس سنٹر سے مجموعی طور پر 125خواتین اور بچے مستفید ہوئے۔اس اجلاس میں 29-جنوری2025ء کو ہونے والے صحت کے حوالے سے آگہی پروگرام کے حوالے سے جنرل سیکرٹری نے حاضرین کو بتایا کہ یہ پروگرام انتہائی شاندار اور کامیاب پروگرام رہا۔اس پروگرام میں ڈاکٹر شہزانہ امتیاز اور ڈاکٹر شاہد تنویر نے اس پروگرام میں آئی ہوئی خواتین کی بڑی تعداد کو صحت کے حوالے سے بالخصوص موٹاپے اور شوگر کے حوالے سے انتہائی اہم معلومات،ان بیماریوں کی وجوہات اور ان سے بچاؤ کے حوالے سے سیر حاصل گفتگو کرتے ہوئے اہم معلومات بہم پہنچائیں۔اور اس پروگرام میں خواتین کا فری شوگر ٹیسٹ اور موٹاپے کےفری ٹیسٹ کرنے کے ساتھ ساتھ خواتین کو شوگر ٹیسٹ کے لیئے گلوکومیٹر بھی فری دیئے گئے۔
اس اجلاس میں یہ فیصلہ بھی کیا گیا ۔کہ ماہ فروری 2025ء میں خون کی کمی کے حوالے سے کسی گرلز کالج میں ایک پروگرام کا انعقاد کیا جائے گا ۔ تا کہ بچیوں کو اس بیماری کی بارے میں آگہی حاصل ہو سکے۔
اس کے بعد مختلف امور پر باہمی مشاورت سے اہم فیصلے کیئے گئے۔
اجلاس کے اختتام پر تمام حاضرین کو پرتکلف چائے پارٹی دی گئی۔جس کی میزبانی ڈاکٹر عائشہ مرزا نے کی ۔
اس کے بعد یہ اجلاس اختتام پذیر ہو گیا۔
