جہلم(چوہدری عابد محمود +دانیال عابد چوہدری)جہلم ڈسٹرکٹ ہیلتھ اتھارٹی کی جانب سے جاری کردہ پریس ریلیز کے مطابق گزشتہ روز کوئی کورونا وائرس کا نیا کیس رپورٹ نہیں ہوا۔محکمہ صحت جہلم نے گزشتہ روز تک کورونا وائرس کے مشتبہ 4557 افراد کے نمونے لے کر لیبارٹری بھجوائے ہیں جن میں 474 افراد کی رپورٹ مثبت آئی ہے۔گزشتہ رو زتک 458 کورونا وائرس سے متاثرہ مریض صحت یاب ہو کر گھروں کو بھجوائے جا چکے ہیں،گزشتہ روز مزید 1 کورونا وائرس سے متاثرہ مریض صحت یاب ہوا ہے اس طرح کل 459 کورونا وائرس سے متاثرہ مریض مکمل صحت یاب ہو چکے ہیں،جبکہ 4 کورونا وائرس سے متاثرہ مریضوں میں کورونا وائرس بیماری کی کوئی علامات نہیں ہیں ان افراد کو گھروں میں آئسولیٹ کیا گیاہے،اس کے علاوہ کورونا وائرس سے متاثرہ 2 افراد کو دوسرے اضلاع میں ریفر کیا گیا۔جہلم میں اب تک کورونا وائرس سے 9 اموات ہوئی ہیں،اس وقت کورونا وائرس کا 1 (Suspected) ممکنہ مریض ڈسٹرکٹ ہیڈ کوارٹر ہسپتال میں داخل ہے مریض کو علاج کی بہترین سہولیات فراہم کی جا رہی ہیں۔جہلم میں اب تک 14 ڈاکٹرز، 2 نرسز اور 6 پیرامیڈیکل سٹاف کورونا وائرس سے متاثر ہوئے ہیں۔تمام ڈاکٹرز، سٹاف نرسز، اور پیرامیڈیکل سٹاف مکمل صحت یاب ہو چکے ہیں۔
