


اللہ تعالی جسے چاہتا ہے اسلام کے لئے چن لیتا ہے اور اللہ اور اس کے رسول کی محبت اس کے دل میں راسخ ہو جاتی ہے ایسا ہی ایک دلوں کو چھو جانے والا واقعہ مسجد الشفا بابرز ملز کمیونٹی سنٹر میں پیش آیا جب ایک یورپ کی عیسائی لڑکی نے اسلام کی تعلیمات سے متاثر ہو کر اسلام قبول کیا ۔ ڈاکٹر امجد عزیز الازھری نے اسے اسلام کے بارے میں بنیادی تعلیمات سے آگاہ کیا اور بعد ازاں کلمہ طیبہ پڑھا کر مسلمان کیا ۔ قبول اسلام کی وجہ سے فاطمہ کی آنکھیں اشکبار ہو گئیں جو اسلام قبول کرنے پر ان کے دل کی پاکیزگی و خوشی کی علامت ہے ۔بعد ازاں میجسٹک قرآن اور اسلامی کتب کا تحفہ پیش کیا گیا ۔ یو جی نیوز کی طرف سے آل محمد شاہ سے بات کرتے ہوئے سسٹر فاطمہ نے بتایا کہ وہ کئی سال سے اسلام کا مطالعہ کر رہی تھیں اور آج وہ موقعہ آ گیا ہے جب ان کی زندگی کی سب سے بڑی خواہش پوری ہو گئی ہے ۔
کریمیہ انسٹیٹیوٹ کے نو مسلم پروگرام کا یہ اسلامی بہن حصہ ہیں ۔ اللہ تعالی انھیں دین پر استقامت نصیب فرمائے اور ہر قسم کے شر سے محفوظ رکھے ۔ آمین
