


ساہیوال ہڑپہ آ صف ندیم
دھمی نور پیر دے ویلے اٹھیا بابا سلطان تے بابا نور نوں طارق دے نال رلاء کے مٹی دی اوس ڈھیری تے آیا جیتھے راوی دے راٹھاں نوں اپنے اکھراں وچ عزتاں دیون آلا میرا استاد بابا اے ڈی اعجاز ستا ہویا ہا، قبر تے کلام بخشن توں بعد، پنجاب دی او پگ جہندی عزت دے لئی راوی دے دلیر پتراں نے اپنی رت بہائی، اے ڈی اعجاز دے سرہاندی رکھی تے اونہاں نوں اے گل چتے کروائی کہ بابا جی اج جگت گیر ماں بولی دیہاڑ اے، پر منوں اگوں انہاں کوئی ولدا نہ دتا مڑ میں اپنے خیالی انہاں دیاں او گلاں یاد کیتاں کہ جدوں اے ڈی اعجاز دی حیاتی وچ میں اے گل پچھدا سی کہ بابا اے ماں بولی۔۔۔۔۔تے اگوں گل ٹوکیندیاں منوں ولدا دیندے سی کے عمران کہڑی ماں بولی۔۔۔۔او ماں بولی کے جدوں بالاں نوں آکسفورڈ سکولاں وچ داخلا دیون لئی، سکولاں آلے اج دی ماں کولوں اشٹام پیپر تے لکھت کرویندے نے کہ بالاں نال پنجابی وچ گل نہیں کرنی، یا او ماں بولی کے اس ملک وچ وڈیاں سیٹاں تے پنجابی دے پڑدھاناں نوں چرخھے دے پورے حصے دی جانت وی نہیں، پر شاہد بابا دیاں گلاں میں اوس ویلے بس مخولی جان کے ٹال دیندا سی، خیر بابا نوں ماں بولی دیہاڑ دی بیھنک دے کہ اکھیاں وچ اتھرو بہا ئے تے پگ انہاں دی سرہاندی رکھی تے دفتر ٹر گیا،
دفتروں اپنے افسراں نال رل کے ہڑپہ میوزیم لوک لہر دی نگھ چھاں وچ ہون والے میلہ وچ رلت کیتی،
