جہلم تھانہ سول لائن کے ایس ایچ او کا رویہ متنازع، شہریوں میں شدید تشویش

Spread the love

*جہلم۔(محمد نوید راجہ )جہلم تھانہ سول لائن کے ایس ایچ او کا رویہ متنازع، شہریوں میں شدید تشویش مرکزی سنی علماء کونسل کے قانونی معاون سے فون پر بدتمیزی، غیر قانونی مقدمات کی دھمکیوں کا الزام۔۔ڈی پی او جہلم کو درخواست دائر۔۔تفصیلات کے مطابق تھانہ سول لائن کے ایس ایچ او کا شہریوں کے ساتھ رویہ ایک بار پھر متنازع ہونےکے سبب شہری سراپاء احتجاج تازہ ترین اطلاعات کے مطابق مرکزی علماء کونسل جہلم نے قانونی معاون سید خلیل حسین کاظمی کے مطابق ایس ایچ او تھانہ سول لائن راجہ نوید نے فون کر کے میرے ساتھ انتہائی ہتک آمیز رویہ اپنایا اور غیر شائستہ زبان کا استعمال کیا اور حکم امتناعی کے باوجود متنازع پلاٹ پر دیوار تعمیر کروائی اور فون کر کے میرے ساتھ نہ صرف بدتمیزی کی بلکہ غیر قانونی مقدمات درج کرنے کی دھمکیاں بھی دیں، سید خلیل کاظمی نے گزشتہ روزپریس کانفرنس کرتے ہوئے کہا کہ ایس ایچ او کا لہجہ نہایت سخت اور نامناسب تھا، جس پر علماء کونسل کے عہدیداروں اور شہری حلقوں میں شدید تشویش اورغم و غصہ پایا جاتا ہے۔متاثرہ فریق کا کہنا ہے کہ پولیس افسر نے اختیارات سے تجاوز کیا قانون کے بجائے دباؤ اور دھمکیوں کی زبان استعمال کی اور سخت الفاظ میں توہین کی گئ۔سید خلیل کاظمی نے ڈی پی او جہلم کو درخواست میں مطالبہ کیا ہے معاملے کا نوٹس لے کر، شفاف انکوائری کرائی جائے اور اگر الزامات درست ثابت ہوں تو ایس ایچ او کے خلاف سخت محکمانہ کارروائی عمل میں لائی جائے۔دوسری جانب ایس ایچ او راجہ نوید کا کہنا تھا کہ میں نے کوئی غیر قانونی کام نہیں کروایا اور نہ ہی غیر شائستہ گفتگو کی ہے۔

اس خبر پر اپنی رائے کا اظہار کریں

اپنا تبصرہ بھیجیں