۔ (رپورٹ مرزا طارق محمود )۔قاری علامہ نعمان عزیز قادری لاھوری ۔اور علامہ مولوی عرفان افگن اف نافریاں اپنے اپنے بیان میں کہا ھے کے۔ نکاح کبھی عبادت تھا،
سادگی تھی، برکت تھی۔
دو دل ملتے تھے،
دو خاندان جڑتے تھے،
اور گواہ صرف چند لوگ ہوتے تھے
مگر آسمان گواہ بن جاتا تھا۔
آج نکاح ایک منصوبہ بن گیا ہے،
ہال کی بکنگ،
مہنگے جوڑے،
سینکڑوں مہمان،
جہیز کی فہرستیں،
اور رسموں کی لمبی قطار۔
جس رشتے کو آسان ہونا تھا
ہم نے اسے قرضوں کے بوجھ تلے دبا دیا۔
دوسری طرف
گناہ کے دروازے پر کوئی خرچ نہیں،
کوئی بارات نہیں،
کوئی ذمہ داری نہیں،
کوئی سماجی دباؤ نہیں۔
نتیجہ؟
نکاح مشکل،
اور زنا آسان۔
حالانکہ دین نے ترتیب الٹی رکھی تھی۔
قرآن میں پاکیزگی کا راستہ واضح ہے،
اور محمد ﷺ نے نکاح کو آسان بنانے کی تعلیم دی۔
مگر ہم نے سنت کو رسموں سے بدل دیا،
سادگی کو نمائش سے،
اور برکت کو اسٹیٹس سے۔
کرب یہ ہے کہ نوجوان گناہ کی طرف اس لیے نہیں جا رہے
کہ وہ گناہ سے محبت کرتے ہیں،
بلکہ اس لیے
کہ حلال راستہ اُن کے لیے بند یا ناقابلِ برداشت بنا دیا گیا ہے۔
اگر ہم واقعی معاشرہ بچانا چاہتے ہیں
تو نکاح کو آسان کرنا ہوگا،
جہیز اور فضول خرچی کو ختم کرنا ہوگا،
رسموں سے زیادہ کردار کو اہمیت دینا ہوگی۔
کیونکہ
جب حلال راستہ کھلا اور سستا ہوگا
تو حرام خود بخود مشکل ہو جائے گا۔
مسئلہ صرف نوجوانوں کا نہیں،
پورے نظامِ سوچ کا ہے۔ شادی کو مشکل سے مشکل بنانے والے کون لوگ ہیں۔
اصلاح تقریروں سے نہیں،
روایتوں کو بدلنے سے آئے گی۔
