گورنمنٹ ایلیمنٹری سکول نورا منڈہالہ میں سالانہ تقریب تقسیم انعامات کا انعقاد

Spread the love

چوہدری شعیب نواز،چوہدری عبدالغفور،چوہدری یاسر سہیل اور چوہدری ظہیر اسلم وڑائچ نے پوزیشن ہولڈر طلبہ میں انعامات تقسیم کیے۔
(رپورٹ مرزا طارق محمود)گورنمنٹ ایلیمنٹری سکول نورا منڈہالہ میں سالانہ تقریب تقسیم انعامات منعقد ہوئی۔طلبہ کے والدین اور کمیونٹی کے دیگر افراد خاص طور پر خواتین کی کثیر تعداد نے تقریب میں شرکت کی۔موضع منڈہالہ کی ممتاز سیاسی و سماجی شخصیات چوہدری شعیب نواز،چوہدری عبدالغفور،چوہدری یاسر سہیل اور چوہدری ظہیر اسلم وڑائچ نے بطور مہمانان خصوصی پوزیشن ہولڈر طلبہ میں ٹرافیاں تقسیم کیں اور نقد انعامات سے نوازا۔مذکورہ معززین سکول ھذا کی تزئین وآرائش کے لیے فندنگ اور مستحق طلبہ کو یونیفارم اور سکول کتب کی فراہمی میں ہمیشہ پیش پیش رہتے ہیں۔آج کی تقریب میں بھی چوہدری شعیب نواز نے کمیونٹی کے سامنے اعلان کیا کہ سارا سال جتنے بھی بچوں کو یونیفارم،شوز یا کتب کی ضرورت ہے تو وہ سکول انتظامیہ کے توسط سے ہم سے رابطہ کر سکتے ہیں۔ہم انشاءاللہ تمام مستحق طلبہ کو سارا سال یہ چیزیں مہیا کرتے رہیں گے۔وہ صرف اپنی تعلیم پر توجہ دیں اور محنت سے کامیابی حاصل کریں۔آخر میں ہیڈ ماسٹر شفقت اللہ وڑائچ اور اساتذہ نے تقریب میں شرکت پر اپنے معزز مہمانوں اور دیگر افراد کا شکریہ ادا کیا۔

اس خبر پر اپنی رائے کا اظہار کریں

اپنا تبصرہ بھیجیں