رحیم یار خان کا معروف دعا چوک اب “کیپٹن حسین جہانگیر شہید چوک” کہلائے گا

Spread the love


رحیم یار خان
ڈویژنل بیوروچیف
میاں طالب حسین
رحیم یار خان کے معروف دعا چوک کا نام تبدیل کرکے “کیپٹن حسین جہانگیر شہید چوک” رکھ دیا گیا ہے۔ یہ اقدام وطن عزیز کے بہادر سپوت، کیپٹن حسین جہانگیر شہید کی عظیم قربانیوں، جرات اور وطن سے بے مثال محبت کو خراجِ عقیدت پیش کرنے کے لیے کیا گیا ہے۔
شہر کے اہم ترین مقامات میں شمار ہونے والے اس چوک کی نئی شناخت نہ صرف شہید کی یاد کو زندہ رکھے گی بلکہ آنے والی نسلوں کو بھی یہ پیغام دے گی کہ وطن کی خاطر جان کا نذرانہ پیش کرنے والے ہی حقیقی قومی ہیرو ہوتے ہیں۔ شہری حلقوں نے اس فیصلے کو سراہتے ہوئے کہا کہ شہداء ہماری قوم کا سرمایہ ہیں اور ان کی قربانیوں کو ہمیشہ یاد رکھا جانا چاہیے۔
مقامی شہریوں کا کہنا ہے کہ ایسے اقدامات نوجوان نسل میں حب الوطنی، قومی ذمہ داری اور شہداء کے احترام کے جذبات کو فروغ دیتے ہیں۔ انہوں نے امید ظاہر کی کہ مستقبل میں بھی قومی ہیروز کی خدمات کو اسی طرح اجاگر کیا جاتا رہے گا۔
شہداء کی قربانیاں قوم کے لیے مشعلِ راہ ہیں اور ان کی یاد کو زندہ رکھنا ہم سب کی مشترکہ ذمہ داری ہے۔
اللہ تعالیٰ کیپٹن حسین جہانگیر شہید کے درجات بلند فرمائے، ان کے اہلِ خانہ کو صبرِ جمیل عطا فرمائے اور وطنِ عزیز پاکستان کو ہمیشہ امن و سلامتی کا گہوارہ بنائے۔ آمین۔

اس خبر پر اپنی رائے کا اظہار کریں

اپنا تبصرہ بھیجیں