وزیر آباد (طارق ملک بیورو چیف) کروڑوں روپے مالیت کا زرمبادلہ کمانے والے سٹی آف کٹلری میں صفائی کے نظام کی تباہ کن صورت حال سے شہر بیماریوں کا گڑھ اور غلاظت کا نشان بن کر رہ گیا ہے۔ سرکاری اداروں کی نااہلی ، وسائل کی بندر بانٹ اور سیاسی عناصر کی عدم دلچسپی سے مسائل کا گرداب شہر کو گھن کی طرح چاٹ رہا ہے۔ کارڈیالوجی ہسپتال سے ثمن برج، نصیر کالونی،شیرا کوٹ،پاک ٹاون،الہ آ باد سے حاجی پورہ آ رائیں کالونی اور اندرون شہر کے گلی محلوں کے 35 بلدیاتی وارڈز پر مشتمل پورے شہر کا سیوریج نظام مکمل طور پر بلاک ہے اور 40سال قبل ڈالی گئی سیور لائنوں کی بلاکج اور ٹوٹ پھوٹ نے سارے شہر کی انڈسٹری اور آ بادی کو تباہی کر دیا ہے۔ سیور اور واٹر سپلائی کی بوسیدہ لائنوں سے شہری غلاظت بھرا پانی پینے پر مجبور ہیں اور علاقہ میں بیماریوں کا راج ہے۔متعدد بلدیاتی نظام کے کارپرداز اور مختلف سیاسی عناصر اپنے اقتدار کے مزے لوٹ کر جا چکے ہیں اور موجودہ دور میں فوٹو سیشن ماحول پیدا کر کے عوام کی بے بسی کا مذاق اڑایا جا رہا ہے۔ سیوریج لائینیں مکمل بند ہونے کی وجہ سے غلیظ پانی گلی محلوں میں ڈیرے جمائے رہتا ہے اور بارش کی صورت میں پانی مکانوں اور کارخانوں میں داخل ہو کر عوام اور صنعتکاروں کی تباہی کا باعث بنتا ہے۔ قومی اور عالمی اداروں کی طرف سے وزیر آباد میں سیوریج اور واٹر سپلائی کا نظام درست کرنے کے لئے جاری کئے گئے اربوں روپے کے فنڈز بے ضابطہ ریشہ دوانیوں کی نظر ہو کر رہ گئے ہیں اور ان کے آ ڈٹ کا کوئی حساب کتاب نہ ہے جبکہ شہری مسائل جوں کے توں مکینوں کے لئے عذاب بنے ہوئے ہیں ۔ آل پاکستان کٹلری ایکسپورٹرز ایسوسی ایشن کے صدر جمال اسلم بھٹہ، سابق ناظم اور کٹلری ایکسپورٹرز ایسوسی ایشن کے سابق صدر محمد خالد مغل اور اصلاحی کمیٹی برائے تعمیر و ترقی کے آرگنائزر پروفیسر حافظ منیر احمد نے مشترکہ طور پر تحریری درخواست میں ایڈ منسٹریٹر میونسپل کمیٹی ،اسٹنٹ کمشنر،ڈپٹی کمشنر۔کمشنر اور وزیر اعلیٰ پنجاب سے مطالبہ کیا ہے کہ میونسپل کمیٹی وزیر آباد کی حدود میں تباہ حال واٹر سپلائی اور سیوریج کے نظام کی تعمیر نو بحالی کے لئے ہنگامی بنیادوں پر منصوبہ بندی کر کے شہر میں بسنے والے لاکھوں شہریوں اور ملک کو کروڑوں ڈالر کا زرمبادلہ کما کر دینے والے صنعتکاروں اور ایکسپورٹرز کو صحت مند ماحول میں جینے کا طحق دیا جائے۔
ایس ایچ او تھانہ صدر جہلم کی اثریہ بوائز سکول اینڈ کالج آمد، طلباء سے فرینڈلی پولیسنگ پر خصوصی گفتگو
سوشل میڈیا پر چلنے والی ہمارے خلاف خبر جھوٹی من گھڑت اور بے بنیاد ہے
22 سالہ نوجوان کی آگ لگا کر مبینہ خودکشی نوجوان جاں بحق
اپوا لیڈیز کلب رحیم یار خان کی چیئرپرسن میڈم مصباح فاروق نے اپنے وفد کے ہمراہ ڈی ٹی او محمد ساجد سے ان کے دفتر میں خصوصی ملاقات کی
اے ایس پی انعام اللہ کے فرنٹیئر کانسٹیبلری تبادلے پرڈی پی او عرفان علی سموں کی جانب سے ان کے اعزاز میں ایک پُروقارالوداعی تقریب کا انعقاد کیا گیا
چیف آفیسر بلدیہ جہلم ساجد علی خان سے اردو گلوبل کے نمائندے عزیز اللہ بٹ کی خصوصی ملاقات
خدمت انسانیت ہی اصل عبادت ہے ہمیں عوام کی بے لوث خدمت کرنے کی ضرورت ہے طلعہ کیانی، دوسروں کی مدد کرنے سے دل کو سکون ملتا ہے تنویر نوشاھی
ہم آل پاکستان اہلحدیث کانفرنس کی کامیابی پرڈاکٹر حافظ عبدالکریم کو دلی مبارکباد پیش کرتے ہیں۔ حافظ عبدالحمید عامر
ڈسٹرکٹ بار ایسوسی ایشن رحیم یار خان (2026-27): الیکشن کا سرگرمیوں اور انتخابی گہما گہمی عروج پر، سردار محمد سلیم خان کورائی اور کاشف علی سندھو کا پینل نمایاں
ڈسٹرکٹ بار رحیم یار خان (سال 2026-27): فرینڈز اینڈ فرینڈز، وکلاء اتحاد و دیگر الائنس کے مشترکہ امیدواروں کا اعلان
