روشن ڈیجیٹل اکاونٹ کھولنے میں برطانوی پاکستانیوں کی شرکت بہت حوصلہ افزا رہی, ہائی کمشنرمعظم احمد خان

Spread the love

لندن (عارف چودھری)

ہائی کمشنر معظم احمد خان نے کہا ہے کہ وزیر اعظم کے “روشن ڈیجیٹل اکاؤنٹ” کے اقدام پر برطانوی پاکستانیوں کی شرکت بہت حوصلہ افزا رہی ہے اور اب تک کھولے گئے اکاونٹ کی تعداد کے معاملے میں برطانیہ سب سے بڑا شراکت دار بن گیا ہے۔ ہائی کمشنر 20 مئی 2021 کو حبیب میٹرو بینک کے زیر اہتمام “روشن ڈیجیٹل اکاؤنٹ پر ایک ویبنار میں خطاب کر رہے تھے۔ مسٹر رضا باقر ، گورنر ، اسٹیٹ بینک آف پاکستان؛ ڈاکٹر مرتضیٰ سید ، ڈپٹی گورنر اسٹیٹ بینک آف پاکستان؛ ڈاکٹر شمشاد اختر ، چیئرپرسن پاکستان اسٹاک ایکسچینج؛ مسٹر علی جمالی سی ای او انڈس موٹرز؛ مسٹر محسن علی ناتھانی ، سی ای او حبیب میٹرو بینک۔ اور ہائی کمیشن میں منسٹر ٹریڈ، شفیق شہزاد نے ویبنار سے خطاب کیا۔

ہائی کمشنر نے برطانیہ میں مقیم پاکستانیوں کے لئےپاؤنڈ سٹرلنگ کے اکاونٹ کھولنے کی اجازت دینے پر اسٹیٹ بینک آف پاکستان کی تعریف کی ، جس کے بارے میں ان کا کہنا تھا کہ اس اقدام سے برطانیہ میں روشن ڈیجیٹل اکاونٹ کو فروغ دینے میں مدد ملے گی۔

معظم احمد خان نے ہائی کمیشن اور اس کے چار قونصل خانوں کی جانب سے برطانیہ میں روشن ڈیجیٹل اکاونٹ کے بارے میں معلومات دینے کے لیے آگاہی مہم کے بارے میں شرکاء کو آگاہ کیا

ہائی کمشنر نے برطانیہ کو پاکستان کا ایک اہم دوست قرار دیتے ہوئے کہا:
“برطانیہ پاکستان کا تیسرا سب سے بڑا تجارتی شراکت دار ہے ، یہ سرمایہ کاری کا دوسرا سب سے بڑا ذریعہ ہے اور پاکستان کو ترسیلات زر کا تیسرا سب سے بڑا ذریعہ ہے۔ برطانیہ میں1.6 ملین سے زیادہ پاکستانی رہتے ہیں۔ رواں مالی سال کے پہلے دس مہینوں کے دوران ہماری برآمدات میں غیر معمولی اضافہ ہوااور پاکستان نے برطانیہ کو اب تک کی سب سے زیادہ برآمدات بھیجی ہیں۔ برطانیہ آنے والی ہماری ترسیلات زر میں سال بہ سال بنیادوں پر 68٪ کا اضافہ ہواہے۔

ہائی کمشنر نے حبیب میٹرو بینک کو ویبینار منعقدکرانے پر سراہا۔ انہوں نے روشن ڈیجیٹل اکاونٹ کو کامیاب بنانے میں اسٹیٹ بینک کی جانب سے کی جانے والی کوششوں کی بھی تو سراہا

اس خبر پر اپنی رائے کا اظہار کریں

اپنا تبصرہ بھیجیں