ٹریفک قوانین کی خلاف ورزیوں پر 282469 افراد کیخلاف کارروائی عمل میں لائی گئی ہے۔
ٹریفک قوانین پر عملدرآمد کیلئے تمام تر صلاحیتیں بروئے کار لائی جائیں گی۔چیف ٹریفک آفیسر عباس مجید خان مروت
پشاور (نمائندہ وصال احمد)گلوبل ٹائمز میڈیا رپورٹ کے مطابق سٹی ٹریفک پولیس پشاور نے سہ ماہی رپورٹ جاری کردی جس کے تحت ٹریفک قوانین کی خلاف ورزیوں پر 282469 افراد کے خلاف کارروائی کی گئی ہے ۔چیف کیپٹل پولیس عباس احسن کی ہدایت پر چیف ٹریفک آفیسر عباس مجید خان مروت کی نگرانی میں سٹی ٹریفک پولیس پشاور نے سیٹ بیلٹ استعمال نہ کرنے پر17949‘ ہیلمٹ نہ پہننے پر 73555‘ ون ویلنگ پر 189‘ کالے شیشوں کے استعمال پر2933‘ غیر رجسٹرڈ موٹر سائیکل چلانے پر692‘ اوور لوڈنگ پر 2091‘ نو پارکنگ زون کی خلاف ورزی پر 26382‘ تجاوزات قائم کرنے پر 1702, بغیر روڈ پرمٹ کے گاڑی چلانے پر 1797‘ دوران سفر موبائل استعمال کرنے پر 984‘ کورونا ایس او پیز کی خلاف ورزیوں پر 61415, لین ڈسپلن کی خلاف ورزی کرنے پر 17860 اور دوسری گاڑیوں کو راستے کا حق نہ دینے پر 42395 افراد کے خلاف کارروائی عمل میں لائی گئی ہے۔چیف ٹریفک آفیسر عباس مجید خان مروت نے کارروائیوں پر اطمینان کا اظہار کرتے ہوئے کہا ہے کہ سٹی ٹریفک پولیس پشاور قوانین پر عملدرآمد یقینی بنانے کیلئے تمام تر صلاحیتیں بروئے کار لائے گی ۔ انہوں نے کہا کہ سٹی ٹریفک پولیس پشاور کی جانب سے کی جانے والی کارروائیوں کے نتیجے میں شہریوں کی بڑی تعداد نے ہیلمٹ کا استعمال شروع کر دیا ہے.انہوں نے مزید کہا کہ ٹریفک حکام ٹریفک قوانین پر عملدرآمد یقینی بنائیں اس سلسلے میں کسی قسم کی کوتاہی برداشت نہیں کی جائے گی جبکہ مرتکب افراد کیخلاف قانونی کارروائی عمل میں لائی جائے گی.