چنگ چی رکشہ اور لوڈر رکشہ گاڑیوں کے ڈرائیور انسانی زندگیوں کیلئے خطرہ

Spread the love

جہلم(چوہدری عابد محمود +دانیال عابد چوہدری)جہلم شہر و گردونواح میں مسافر چنگ چی رکشہ اور لوڈر رکشہ گاڑیوں کے ڈرائیور انسانی زندگیوں کیلئے خطرہ بننے لگے،شہریوں کا کم عمر اورادھیڑ عمر بزرگ ڈرائیوز کے خلاف کارروائی کرنے کا مطالبہ، تفصیلات کے مطابق جہلم شہرو گردونواح میں مسافرچنگ چی رکشاؤں اور لوڈر رکشاؤں کی تعدادسینکڑوں سے تجاوز کر گئی ہے اور ہر گزرتے دن کیساتھ ساتھ ان میں تیزی سے اضافہ ہورہا ہے۔چنگ چی رکشہ چلانے والوں کی اکثریت کم عمراور بزرگوں کی اکثریت ہے جن کے پاس ڈرائیونگ لائسنس اور شناختی کارڈ بھی موجود نہیں ہوتا،شہر بھر میں جگہ جگہ چنگ چی رکشاؤں کے اڈے ٹریفک کے بہاؤ میں مشکلات پیدا کررہے ہیں۔قانون سے نا واقف یہ کم عمرڈرائیور، اور بزرگ ڈرائیورز جو ذہنی طور پر مفلوج اور کم نظری سے ڈرائیونگ کرتے نظر آتے ہیں، جو شہریوں کے لئے مشکلات کا باعث بن رہے ہیں، اکثر اوقات سوچی سمجھی سازش کے تحت رکشاؤں کو سڑک کے عین وسط میں کھڑاکرکے سواریاں اتاری اور بٹھائی جاتی ہیں اور یک دم آگے پیچھے دیکھے بغیر ہی چنگ چنگی رکشوں کو موڑ لیتے ہیں جس کے باعث شہر میں اکثر اوقات ان چنگ چی رکشاؤں کی وجہ سے حادثات رونما ہوتے ہیں، شہریوں نے ڈی پی او جہلم، ڈی ایس پی ٹریفک سے مطالبہ کیا ہے کہ کم عمر اور ادھیڑ عمر چنگ چی رکشہ ڈ رائیوز کے خلاف مہم کا آغاز کیا جائے تاکہ شہری حادثات سے بچ سکیں۔

اس خبر پر اپنی رائے کا اظہار کریں

اپنا تبصرہ بھیجیں