جہلم(چوہدری عابد محمود +چوہدری علی شان)جہلم ڈاکٹر رفعت زاہرہ بینش گیلانی کو ہانیمن کالج لندنUK سے PG Homaپوسٹ گریجویٹ ڈگری عطا کر دی گئی، یہ اعزاز انہیں ہومیوپیتھی اور دل کے امراض پر ضخیم مقالہ لکھنے پر تفویض کیا گیا ہے۔یہ مقالہ ڈاکٹر کاشف رضا کی نگرانی میں تحریر کیا گیا۔ اعزاز ملنے پر ڈاکٹر ظہیر احمد پرنسپل و چیئرمین حادی ہومیو پیتھک کالج جہلم ڈاکٹر رفعت زاہر ہ بینش گیلانی کو مبارکباد پیش کی گئی۔ یہ پاکستان کی پہلی خاتون ڈاکٹر ہیں جنہیں ہانیمن ہومیوپیتھک میڈیکل کالج لندن کی طرف سے اعزاز سے نوازہ گیا۔یاد رہے ڈاکٹر بینش گیلانی صاحبزادی نصرت مقبول گیلانی کی اکلوتی بیٹی ہیں۔ جنھوں نے بحثیت پرنسپل چکوال ہومیو پیتھک میں شہادت پائی اور ہومیو پیتھی کی پہلی شہید کہلائیں۔آپ ممتاز براڈکاسٹر، افسانہ نگار،کالم نگار پروفیسر تنویرذولفی گیلانی کی صاحبزادی ہیں جن پر حال ہی میں یونیورسٹی آف لاہور نے تنویر زولفی گیلانی کی ادبی جہات کے نام سے مقالہ تحریر کروایا ہے۔آپ ممتاز لکھاری ماہرِ آثارِ قدیمہ صاحبزادہ فرخ سلطان زولفی کی بھتیجی ہیں۔ ڈاکٹر رفعت زاہرہ بینش گیلانی گریفن کالج پنڈ دادنخان کی پرنسپل اخباری کالم خرکار کیمپ کی کتابی شکل کی مصنفہ ماہنامہ سالٹ رینج وادی جہلم و تریمت اور سیاسی گذٹ کی چیف ایڈیٹر اور پبلیشر ہیں اور سماجی تنظیم وومن وائس کی چیئرپرسن ہیں۔گریفن کالج کی طالبات اور سٹاف نے ڈاکٹر میمونہ ظفر, ڈاکٹر صوفیہ مصطفی ڈاکٹر مافیہ اسلم, ڈاکٹر کرن مصطفی, ڈاکٹر بختاور, ڈاکٹر ام سلمہ اور ڈاکٹر ثنیہ نے اس موقع پر ڈاکٹر بینش گیلانی کو مبارکباد پیش کی ہے۔
