دینہ (نمائندہ خصوصی) راولپنڈی سے لاہور جانے والی تیز رفتار مسافر بس نے آگے جانے والے ٹرک کو پیچھے سے ٹکر دے ماری، بس اُلٹ کر کھائی میں جا گری، ماں بیٹا شدید زخمی، ریسکیو 1122نے مو قع پر پہنچ کر زخمیوں کو طبی امداد کے بعد ہسپتال منتقل کیا۔ تفصیلات کے مطابق گزشتہ روز دینہ کے قریب چک اکا مو ڑ کے مقام پر راولپنڈی سے لاہور جانے والی مسافر بس ڈرائیور سے بے قابو ہو کر آگے جانے والے ٹرک کو پیچھے سے ٹکر دے ماری جس سے بس اُلٹ کر کھائی میں جا گری جس سے بس میں سوار ماں اور بیٹا پروین بی بی زو جہ امیر عمر 51سال سکنہ لاہور اور بیٹا بلال ولد امیر عمر 25سال سکنہ لاہور شدید زخمی ہو گئے، ریسکیو 1122کو اطلاع ملتے ہی مو قع پر پہنچ گئی اور زخمیوں کو طبی امداد کے بعد ہسپتال منتقل کیا۔
