وزیرآباد( طارق ملک بیورو چیف یو جی نیوز ) تحریک پاکستان کے سرخیل راہنماء مجاہد تحریک ختم نبوت غازی کشمیر سلسلہ سہروردی کے ممتاز روحانی پیشوا قائد اعظم کے جانثار ساتھی حضرت پیر سید بشیر احمد خورشید رحمت اللہ علیہ کو تحریک پاکستان میں بے مثال خدمات پر صدر پاکستان ڈاکٹر عارف علوی کی جانب سے گولڈ میڈل ملنے پر اظہار تشکر کے لئے مسلم ھینڈز ایجوکیشنل کمپلیکس سوہدرہ وزیرآباد میں ایک پر وقار تقریب مورخہ 27 فروری اتوار کو دن 10 بجے آستانہ عالیہ سہروردیہ کے سجادہ نشین پیر طریقت حضرت پیر سید صفی اعظم چن پیر کی زیر صدارت منقعد ھو گی. جس میں آزاد کشمیر کے وزیر مذہبی امور صاحبزادہ حافظ حامد رضا مہمان خصوصی ہوں گے. تقریب سے مسلم ھینڈز انٹرنیشنل کے چئیرمین سید لخت حسنین ستارہ امتیاز ، درگاہ ابوالبیان کے زیب سجادہ محمد رفیق احمد مجددی اور ملک کے ممتاز علماء کرام، مشائخ عظام، دانشور خطاب کریں گے.تقریب میں سیاست، صحافت ، ادب انصاف، تعلیم،اور دیگر شعبوں کی ممتاز شخصیات کے علاوہ حضرت پیر سید بشیر احمد خورشید رحمت اللہ علیہ کے قریبی ساتھی شرکت فرمائیں گے، بعد ازاں شرکاء کے اعزاز میں ظہرانہ دیا جائیگا
