جیکب آباد(نامہ نگار) جیکب آباد کی عدالت نے منشیات کا جرم ثابت ہونے پر ملزم کو 5 سال قید اور جرمانے کی سزا سنادی۔ تفصیلات کے مطابق جیکب آباد کے فرسٹ ایڈیشنل سیشن جج و ماڈل کرمنل ٹرائل کورٹ کے جج ذوالفقار علی شیخ کی عدالت نے منشیات رکھنے کا جرم ثابت ہونے پر کوئٹہ کے رہائشی عطامحمد پٹھان کو 5 سال قید اور 9 ہزار روپے جرمانے کی سزا سنائی، جرمانے کی رقم ادا نہ کرنے پر ملزم کو 5 ماہ مزید قید کاٹنا ہوگی، یاد رہے کہ ملزم کو 22 اگست 2021 کو سول لائن پولیس نے ریلوے گودام کے قریب 23 سو گرام آفیم سمیت گرفتار کیا تھا۔
