جہلم(چوہدری عابد محمود +افتخارالحق)جہلم ڈپٹی کمشنر محمد سیف انور جپہ کا ریسکیو1122اسٹیشن جہلم کا دورہ، ڈپٹی کمشنرسیف انور نے ریسکیو کے جوانوں کی حوصلہ افزائی کے لئے ان کو مٹھائی اور پھول تقسیم کرنے کے ساتھ عید کی مبارک باد دی۔ اس موقع پر کنٹرول روم انچارج صابر حسین نے ان کا استقبال کیا۔اس دوران انہوں نے سٹاف پریڈ کا معائنہ کیا، کرونا وائرس سے متاثرہ مریضوں کی منتقلی اور ڈس انفیکشن سپرے سے متعلق ریکارڈ، ایمرجنسی وہیکلز کی ورکنگ کو چیک کیا، کنٹرول روم میں ایمرجنسی کالز کا ریکارڈ چیک کیا۔کنٹرول روم انچارج صابر حسین نے ممکنہ سیلاب سے نمٹنے کے لئے جہلم اسٹیشن کی حکمت عملی اور تیاری کے بارے میں تفصیلات فراہم کیں۔ڈپٹی کمشنر جہلم نے ریسکیو کے جوانوں کی حوصلہ افزائی کے لئے ان کوپھول اورمٹھائی دی اور اسی جذبے کے ساتھ سروس فراہم کرنے کی تلقین کی۔انہوں نے کرونا جیسی وباء میں بھر پور کام کرنے پر ریسکیو 1122 کی خدمات کو زبردست سراہا ہے اور ریسکیواسٹیشن جہلم کی کارکردگی پر مکمل اطمینان کا اظہار کیا۔اورانہوں نے حالیہ بارشوں اورممکنہ سیلاب میں اپنے تمام وسائل بروئے کار لانے اور لوگوں کوبروقت ریسکیو کرنے کی تاکید کی۔کنٹرول روم انچارج نے ڈپٹی کمشنر جہلم کے ریسکیو اسٹیشن جہلم دورہ کرنے اور کارکردگی پر اطمینان کا اظہار کرنے پر شکریہ ادا کیااور اس بات کا یقین دلایا کہ مستقبل میں بھی اسی جذبے کے ساتھ کام کریں گے۔
