بشریٰ مانیکا نے وزیراعظم ہاؤس کا ناجائز استعمال کیا,حنا پرویز بٹ

Spread the love

کیا کسی مہذب معاشرے میں خاتون اول اس حد تک بھی گر سکتی ہے۔رکن پنجاب اسمبلی

لاہور(نمائندہ خصوصی)اردو گلوبل میڈیا یورپ کے مطابق مسلم لیگ (ن) کی رکن پنجاب اسمبلی حناپرویز بٹ نے کہا ہے کہ عمران خان اور بشری مانیکا فلم ہیرا پھیری کے مرکزی کردار تھے،شوہر خزانہ لوٹ رہا تھا بیوی پراپرٹی ڈیلرز لوٹ رہی تھی۔حنا پرویز نے کہاکہ بشریٰ مانیکا نے پردے کا سہارا لے کر وزیراعظم ہاؤس کا ناجائز استعمال کیا،کیا کسی مہذب معاشرے میں خاتون اول اس حد تک بھی گرسکتی ہے؟عمران نیازی نے پاکستان کو اپنے باپ کی جاگیر سمجھ کر لوٹا ہے۔
رہنما ن لیگ کا کہنا تھا کہ چیلے اور چمچے عوام کی جیبوں پر ڈاکے ڈالتے رہے کرپٹ آقا ملک کی جیب تراشتا رہا ہے،تحریک انصاف کو اپنا نام تبدیل کرکے تحریک فراڈ رکھ لینا چاہیے۔
انہوں نے کہا ایک فرح گوگی اور جمیل گجر نے الگ سے اپنی دکان چلائی ہوئی تھے۔فرح خان اصل میں بشریٰ مانیکا کی فرنٹ وومن تھی،عمران خان بشریٰ مانیکا کا شیلٹر تھا اور بشریٰ مانیکا فرح خان کی شیلٹر تھی۔قوم کو دو روٹیوں کی بجائے ایک روٹی کھانے کا مشورہ دینے والے اور کفاعت شعاری مہم چلانے والے خود ہیرے،پلاٹ اور انگوٹھیاں کھاتے رہے ہیں ۔
انہوں نے مزید کہا کہ پوری قوم کیلئے باعث شرمندگی ہے کہ پاکستان کا وزیر اعظم اور خاتون اول ملکر کرپشن اور حصے وصول کرتے رہے۔

اس خبر پر اپنی رائے کا اظہار کریں

اپنا تبصرہ بھیجیں