انکے انتقال پہ صحافتی دنیا سمیت دیگر شعبوں سے تعلق رکھنے والوں میں شدید رنج و غم کا ماحول ہے۔
نئی دہلی(انٹرنیشنل ڈیسک)گلوبل ٹائمز میڈیا یورپ کے مطابق ہندوستان میں تخلیقی اور تفتیشی صحافت کے ستون معروف سینئر صحافی اور روزنامہ ہمارا سماج کے ایڈیٹرعامر سلیم خان اب ہمارے درمیان سے رخصت ہوگئے، ان کا 12 دسمبر کو جی بی پنت اسپتال دہلی میں دوران علاج انتقال ہوگیا ۔ دو دنوں کی علالت کے بعد آج ان کا دوپہر ایک بجے انتقال ہوا۔ عامر سلیم خان محض 48 برس کے تھے۔
جن کی تجہیز و تکفین بعد نماز عشاء قبرستان مہدیان دہلی میں عمل میں آئی۔ پسماندگان میں اہلیہ اور تین بیٹے ہیں ۔ ابھی ایک ماہ قبل مرحوم کے والد محترم چودھری سلیم خان کا بھی دوران علاج دہلی میں انتقال ہوگیا تھا ۔عامر سلیم خان کا تعلق اتر پردیش کے سدھارتھ نگر سے تھا۔
ان کے انتقال پہ صحافتی دنیا سمیت دیگر شعبوں سے تعلق رکھنے والوں میں شدید رنج وغم کا ماحول ہے۔ ان کی تدفین میں بڑی تعداد میں اہم شخصیات نے شرکت کی۔ جن چند شرکاء میں مولانا فضل الرحمان، ایڈوکیٹ اے رحمن، سید خرم رضا، ڈاکٹر ممتاز عالم رضوی، ارشد ندیم، مستقیم خان، ایس ٹی رضا، خورشید ربانی، فرزان قریشی، عظیم اللّٰہ صدیقی، امیر امیرامیرہوی، عینین علی حق، حبیب سیفی، انس فیضی، صادق شیروانی، فرحان یحیی، جاوید قمر، حاجی زبیر وغیرہ نے شرکت کی۔
