جگہ جگہ بنے کلینکس کے فرنٹ الماریوں میں ہومیوپیتھک کی ادویایات جبکہ ان کے پیچھے مریض کو طریقہ علاج ایلوپیتھک کے ذریعے ڈرپ اور انجیکشن لگا کر انسانی جانوں سے کھیلنے کا دھندہ عروج پر انتظامیہ خواب خرگوش کے مزے میں
ہڑپہ(چوہدری محمد آصف ندیم آرائیں ڈویژنل بیورو چیف ساہیوال) تفصیل کے مطابق ہڑپہ اور اس کے گردو نواح میں بنے ہومیوپیتھک کلینکس کو دوحصوں میں تقسیم کرکے پہلے حصہ میں رکھی گئی الماریوں میں ہومیوپیتھک کی ادویات دیواروں پر ہومیوپیتھک طریقہ علاج کے اشتہارات چسپاں کرکے محکمہ صحت اور دیگر اداروں کی آنکھوں میں دھول جھونکنے کی کوشش کی جاتی ہے جبکہ ان الماریوں کے پیچھے ایلوپیتھک طریقہ علاج کی ادویات ڈرپ اینڈ انجیکشن لگا کر انسانی قیمتی جانوں سے کھیلنے کا مکمل انتظام موجود ہے انسانی جانوں اور جسمانی عزا کے کھیلنے کا یہ کھیل اتنا دیدہ دلیر سے جاری ہے کہ جیسے قانون ان کے گھر کی لونڈی ہے عوامی و سماجی حلقوں نے ڈپٹی کمشنر ساہیوال سی او ہیلتھ ساہیوال ہیلتھ کیئر کمیشن پنجاب سے فوری نوٹس لے کر ہومیوپیتھک طریقہ علاج کی آڑ میں ایلوپیتھک کی پریکٹس کر کے انسانی جانوں سے کھیلنے والوں کے خلاف کاروائی کا مطالبہ کیا ہے
