وزیرآباد(نا مہ نگار) مسلم لیگ ن کا بڑا سر پرائز اپنے پرانے ایم پی ایز کو فارغ کر کے ٹکٹ نئے چہروں کو تھما دی کارکنان میں غم و غصہ کی لہر سوشل میڈیا پر کارکنان نے ن لیگی قیادت کے خلاف پوسٹوں کی بھر مار کر دی جیتے ہوے دونوں سابق ایم پی ایز کو ٹکٹ نہ دیا جانا مضحکہ خیز کارکنان حیران و ششدر ن لیگی قیادت نے حتمی مشاورت کے بعد این اے 66 کے لئے سابق ایم این اے ڈاکٹر نثار چیمہ کو ٹکٹ جاری کر دی ہے جو کہ حلقہ میں مسلم لیگ کے مضبوط امیدوار ہیں اور ان کا خاندان مسلسل 4 دفعہ فتح سمیٹ چکا ہے جبکہ صوبائی اسمبلی کی سیٹوں حلقہ پی پی 35 اور پی پی 36 میں دونوں نئے امیدواروں کو میدان میں اتار دیا گیا ہے اور سابق ایم پی ایز بیگم طلعت شوکت منظور چیمہ اور عادل بخش چٹھہ کو فارغ کر دیا گیا ہے حلقہ پی پی 35 سے وقار چیمہ اور پی پی 36 سے عدنان افضل چٹھہ کو ٹکٹ جاری کیے گئے ہیں دونوں ٹکٹ ہولڈرز نئے چہرے اور کارکنان مسلم لیگ میں غیر مقبول سمجھے جاتے ہیں جبکہ چند ہفتوں سے جاری انتخابی مہم میں سب سے آخر میں ٹکٹ کی دوڑ میں شامل ہوے تھے بیگم طلعت شوکت منظور چیمہ کے شوہر شوکت منظور چیمہ 3 بار مسلسل ایم پی اے کامیاب ہوے جبکہ انکی وفات کے بعد بیگم طلعت شوکت منظور چیمہ نے کامیابی کا تسلسل برقرار رکھا اور ضمنی الیکشن میں فتح سمیٹ لی وہ حلقہ پی پی 35 سے مضبوط امیدوار سمجھی جاتی تھیں لیکن پارٹی نے ان کو ٹکٹ جاری نہ کیا دوسری جانب پی پی 36 سے عادل بخش چٹھہ بھی سابق ایم پی اے اور مضبوط امیدوار جانے جاتے تھے لیکن ان کو بھی سرخ جھنڈی دکھا دی گئی اور عدنان افضل چٹھہ جو کہ چند ہفتے قبل دوڑ میں شامل ہوے ٹکٹ لے اڑے۔ صوبائی سیٹوں سے 10 سے زائد امیدوار ن لیگ کی ٹکٹ حاصل کرنے کی دوڑ میں شامل تھے۔سوشل میڈیا پر فعال ن لیگی ورکرز بائیکاٹ بائیکاٹ کی صدائیں بلند کرتے دکھائی دیتے ہیں اور نئے چہروں کے خلاف پوسٹیں لگا کر قائدین مسلم لیگ کو پیغام دے رہے ہیں کہ نئے چہرے قبول نہیں۔
