وزیرآباد:(نامہ نگار) بلدیہ وزیرآباد اور گیپکو میں اوور ریڈنگ کا معاملہ ایف آئی اے کی انکوائری ٹیم نے رپورٹ میں گیپکو وزیرآباد آفس کے سات افسران و ملازمین کو ذمہ دار قرار دے دیا ۔ ایف آئی اے کی ٹیم کی انکوائری رپورٹ کے بعد گیپکو وزیرآباد کے ذمہ دار ٹھہرائے جانے والے افسران و ملازمین سرکاری نمبرز بند کر کے روپوش ہو گئے ذرائع
بلدیہ وزیرآباد کے کنکشنز پر اوور ریڈنگ اور بلدیہ حکام کی جانب سے ایف آئی اے میں رجوع کرنے کے بعد ایف آئی اے نے انکوائری ٹیم مقرر کی جس نے کچھ روز قبل بلدیہ وزیرآباد سے ریکارڈ لے کر اپنی رپورٹ مرتب کر دی ہے باوثوق ذرائع سے معلوم ہوا ہے کہ انکوائری ٹیم نے گیپکو وزیرآباد کے سات افسران و ملازمین کو اوور ریڈنگ کیس میں ذمہ دار قرار دیا ہے جس کی اطلاع گیپکو وزیرآباد کے آفس تک پہنچ گئی ذمہ دار ٹھہرائے جانے والے سات افسران و ملازمین نے اپنے سرکاری نمبرز بند کر دیئے اور روپوش ہو گئے دوسری جانب انکوائری ٹیم نے انکوائری کے معاملہ پر کسی بھی قسم کا موقف دینے سے انکار کیا ہے
