اس موقع پر پولیس کے چاق وچوبند دستوں نے شہید کانسٹیبل کے جسد خاکی کو سلامی پیش کی۔
اسلام آباد(نمائندہ راجا ظفر سعید ستی)گلوبل ٹائمز میڈیا یورپ کے مطابق شہید کانسٹیبل اسماعیل رؤف کی نمازجنازہ پولیس لائنز ہیڈکوارٹرز میں ادا کر دی گئی.پولیس کے چاق وچوبند دستوں نے شہید کانسٹیبل کے جسد خاکی کو سلامی پیش کی،نماز جنازہ میں ایس ایس پی آر آئی بی عارف شہباز خان، ایس ایس پی آپریشنز فلائٹ لیفٹیننٹ(ر) حافظ کامران اصغر، پاک آرمی ، سول انتظامیہ اور لواحقین کے ساتھ پولیس افسران و جوانواں اور شہریوں کی کثیر تعداد میں شرکت،نماز جنازہ کی ادائیگی کے بعد شہید کانسٹیبل کا جسد خاکی سرکاری اعزاز کے ساتھ ان کے آبائی علاقہ تھانہ چونترہ (ڈھولیال)روانہ کر دیا گیا، شہید کانسٹیبل اسماعیل رؤف گزشتہ روز مری روڈ پر نامعلوم کار سوار ملزمان کی فائرنگ سے شہید ہوئے تھے، جبکہ کانسٹیبل عاصم فائرنگ سے زخمی ہوئے تھے،شہید کانسٹیبل اسماعیل رؤف نے سوگواران میں والدہ، بیوہ اور دو بیٹوں کو چھوڑا ہے،اس موقع پر ایس ایس پی آپریشنز نے کہا کہ شہید کی لازوال قربانیاں محکمہ کے لیے عزت و تکریم کا باعث ہیں۔انہوں نے کہا کہ شہداء پولیس ہمارے محسن ہیں جن کی قربانیوں کو کبھی فراموش نہیں کیا جا سکتا۔ایس ایس پی آپریشنز کا کہنا تھا کہ شہید کے اہل خانہ ہماری فیملی کی طرح ہیں، ہم ہر موقعہ، ہر گھڑی شہداء کی فیملیز کے ساتھ کھڑے ہیں۔انہوں نے کہا کہ شہید کانسٹیبل اسماعیل رؤف نے جرائم پیشہ عناصر سے مقابلہ کرتے ہوۓ اپنی جان قربان کی، شہید کی قربانی کو ہمیشہ یاد رکھا جاۓ گا۔انہوں نے کہا کہ راولپنڈی پولیس کے 117 افسران فرض کی راہ میں اپنی جانوں کا عظیم نذرانہ پیش کر چکے ہیں۔ایس ایس پی آپریشنز فلائٹ لیفٹیننٹ ر حافظ کامران اصغر نے مزید کہا کہ راولپنڈی پولیس جرائم کی روک تھام اور شہریوں کی حفاظت کے دوران کسی قربانی سے دریغ نہیں کرے گی۔
