جہلم(چوہدری عابد محمود +عامرکیانی)پنجاب حکومت نے عید الاضحی پر جہلم سمیت صوبے بھر کے پارک اور تفریحی مقامات بند رکھنے کا فیصلہ کر لیا،ذرائع کے مطابق یہ فیصلہ کابینہ کمیٹی برائے کورونا اینڈ ڈینگی کنٹرول کے اجلاس میں کیا گیا۔ اجلاس میں عید الاضحی ٰکے ایام میں اسمارٹ لاک ڈاؤن کی تجویز پر بھی غور کیا گیا۔اس کے علاوہ اجلاس میں اسکولوں کے ایڈمن دفتر کھولنے اورانتظامی عملے کو آنے کی اجازت دینے کا بھی فیصلہ کیا گیا، جبکہ طلبا اور اساتذہ کواسکولوں میں آنیکی اجازت نہیں ہو گی۔اسکول کھولنے سے پہلے محکمہ سکول ایجوکیشن ایس او پیز پر مکمل گائیڈ لائن جاری کریں گے۔ اسکولوں کو 2شفٹوں میں چلانے پر بھی غورکیا جا رہا ہے جبکہ ہرشفٹ میں اڑھائی گھنٹے کی کلاسز ہوں گی۔اسکولوں میں ہینڈ واش، ماسک اوردیگر ضروری اقدامات یقینی بنانے کی ہدایت کی گئی ہے۔اجلاس میں فیصلہ کیا گیا ہے کہ پنجاب میں ڈینگی سرویلنس نہ کرنے والے عملے کے خلاف کارروائی کی جائے گی۔
