ہماری حکومت کا بنیادی فوکس غریب عوام ہے اور انہیں بنیادی سہولتیں فراہم کرنا ہماری اولین ترجیحات میں شامل ہیں۔صوبائی وزیر اطلاعات پنجاب
لاہور(نمائندہ کوثر بیگ)گلوبل ٹائمز میڈیا یورپ کے مطابق صوبائی وزیر اطلاعات پنجاب عظمی بخاری کاکہنا ہے کہ پنجاب کا 5647ارب کا ٹیکس فری بجٹ پیش کر دیا گیا ہے، مہنگائی کنٹرول کرنے کیلئے اتھارٹی قائم کی جائیگی۔عظمی بخاری نے کہا کہ حکومت کی جانب سے سوشل سیکٹر کے لیے 2ارب مختص کئے گئے ہیں، ہماری حکومت کا بنیاد ی فوکس غریب عوام ہے اور انہیں بنیادی سہولتیں فراہم کرنا ہماری اولین ترجیحات میں شامل ہیں۔ انہوں نے کہا کہ آج سے سرکاری اجرت کو 37 ہزار کر دیا گیا ہے، اس بار صحافیوں کے لئے ایک ارب کا ہیلتھ پروگرام شروع کیا ہے ، ہتک عزت بل سے جو اصل صحافی ہیں ان کو خطرہ نہیں ہوگالیکن جو ڈالر کماتے ہیں، ہتک کرتے انہیں اس بل سے مسئلہ ضرور ہو گا ۔
