حیدرآباد کے نوجوانوں کے لیے خوشخبری: ایم کیو ایم پاکستان کی جانب سے یوتھ کنونشن کا دوسرا دور

Spread the love

حیدرآباد کے نوجوانوں کے لیے ایک بڑی خوشخبری ہے۔
چودھری الطاف شاھد

لندن – عارف چودھری
ایم کیو ایم پاکستان، جو کہ نوجوانوں کے مستقبل کو بہتر بنانے کے لیے ہمیشہ پیش پیش رہی ہے، نے کراچی میں کامیاب یوتھ کانفرنسز کے بعد اب حیدرآباد میں یوتھ کنونشن کے دوسرے دور کا اعلان کیا ہے۔ یہ تقریب 11 اکتوبر کو لطیف آباد، حیدرآباد میں منعقد کی جائے گی۔

کراچی میں منعقد ہونے والی یوتھ کانفرنسز میں سینکڑوں نوجوانوں کو اپنے مستقبل کا راستہ طے کرنے میں مدد ملی، جہاں انہیں مختلف شعبہ جات میں کامیاب انٹرپرینیورز کی مدد سے رہنمائی فراہم کی گئی۔ اب حیدرآباد کے نوجوانوں کو بھی اس کنونشن کے ذریعے اپنی پروفیشنل زندگی میں کامیاب ہونے کے مواقع فراہم کیے جائیں گے۔

ایم کیو ایم پاکستان، جو کہ نوجوانوں کی بے روزگاری کے مسائل کے حل کے لیے پرعزم ہے، اس کنونشن میں نوجوانوں کو اپنی کامیابی کا راستہ طے کرنے میں مدد فراہم کرے گی۔ اگر آپ ایک ایسے نوجوان ہیں جو اپنے مستقبل کے حوالے سے کسی الجھن کا شکار ہیں یا آپ کو یہ فیصلہ کرنے میں دشواری ہو رہی ہے کہ کون سا پروفیشنل راستہ اختیار کریں، تو یہ کنونشن آپ کے لیے ایک سنہری موقع ہے۔

چوہدری الطاف شاہد، صدر ایم کیو ایم پاکستان برطانیہ، نے نوجوانوں کو اس کنونشن میں شرکت کی دعوت دیتے ہوئے کہا ہے کہ “ہم آپ کو ایک بہتر مستقبل بنانے اور ملک کی تعمیر و ترقی میں اپنا حصہ ڈالنے کا موقع فراہم کر رہے ہیں۔ آئیے اور ہمارے ساتھ شامل ہوں تاکہ ہم مل کر آپ کے مستقبل کی تعمیر کر سکیں۔”

یہ کنونشن آپ کو نہ صرف اپنے خوابوں کو پورا کرنے کا موقع دے گا بلکہ آپ کو کامیاب پیشہ ورانہ زندگی کی راہ میں درپیش چیلنجز کا سامنا کرنے کے لیے بھی تیار کرے گا۔

اس خبر پر اپنی رائے کا اظہار کریں

اپنا تبصرہ بھیجیں