جہلم ( محمد الیاس کھوکھر )گورنمنٹ گریجویٹ کالج آف کامرس بلال ٹاؤن جہلم میں پیرنٹس ٹیچرز میٹنگ کا انعقاد ، بڑی تعداد میں والدین کی شرکت ، اساتذہ اور والدین نے طلباء کو پیش آنے والی مشکلات پر تفصیل سے تبادلہ خیال کیا ، تفصیلات کے مطابق گزشتہ دنوں گورنمنٹ گریجویٹ کالج آف کامرس بلال ٹاؤن جہلم میں پیرنٹس ٹیچرز میٹنگ کا انعقاد کیا گیا جس میں بڑی تعداد میں والدین نے شرکت کی ۔ والدین کو طلباء وطالبات کی تعلیمی کارکردگی کے متعلق آگاہ کیا گیا۔ اساتذہ اور والدین نے طلباء کو پیش آنے والی مشکلات پر تفصیل سے تبادلہ خیال کیا ۔ ادارہ کے پرنسپل پروفیسر طارق عزیز نے کنٹرولر امتحانات پروفیسر محمد عاصم ، ڈپٹی کنٹرولر پروفیسر حمزہ سعید اور پروفیسر محمد علی کے ہمراہ تمام کلاسز کا وزٹ کیا۔ پرنسپل طارق عزیز نے ا چھی کارکردگی کا مظاہرہ کرنے والے طلباء وطالبات کے لئے انعامات کا بھی اعلان کیا۔ والدین نے طلباء کی کارکردگی کی بروقت اطلاع کے لئے پیرنٹس ٹیچرز میٹنگ کے انعقاد کو شاندار الفاظ میں سراہا اور اپنے بچوں کی تعلیمی کارکردگی اور ادارے کی تعلیمی سرگرمیوں پر مکمل اطمینان کا اظہار کیا ۔ پرنسپل ادارہ ھذٰا پروفیسرـ طارق عزیز اور کنٹرولر امتحانات پروفیسر محمد عاصم نے کالج اساتذہ کی محنت، لگن اور بھرپور تعاون پر انھیں خراج تحسین پیش کیا۔
