وزیرآباد(نا مہ نگار) صوفی تصوف کی شاخ ہے،جسمیں صوفی با عمل کا ہر قول وفعل خالق کائنات کا حصول ہوتا ہے،صوفی اپنی ذات کی نفی کرکے اللہ سے لو لگالیتاہے،صوفی رب کریم کی تمام مخلوق خواہ انشان،چرند پرند ہو پیار کرتا ہے،صوفی اپنی ذات پر دوسروں کو ترجیح دیتا ہے۔ان خیالات کا اظہار کنٹری ڈائریکٹر مسلم ہینڈز صاحبزادہ سید ضیاء النور نے مسلم ینڈز کے زیر اہتمام ایجوکیشنل کیمپلیکس سوہدرہ میں صوفی نائٹ کے موقع پر خطاب کرتے ہوئے کیا۔اس موقع پر صاحبزادہ سید آل احمد،پراجیکٹ مینجر امجد محمود صدیقی،مظفر اقبال چشتی،نعیم فضل،میاں مدثر نذیر،واجد نعیم،رانا عمر فاروق،ملک عامر،انجنیئر طارق،عامر ملک،نعیم قیصر نجمی ودیگر نے بھی خطاب کیا۔صوفی نائٹ میں معروف قوال شاہد وہمنوا نے صوفیا نہ کلام پیش کیا۔انہوں نے کہا کہ اسلام کی تبلیغ واشاعت میں صوفیا ء کا کردار بنیادی اہمیت کا حامل ہے برصغیر پاک وہند میں صوفیاء،اولیا ء کرام کی محنت سے غیر مسلم جوق در جوق دائرہ اسلام میں داخل ہوئے صوفیاء اور اولیا ء کرام کے مزارات آج بھی روحانیت کے مراکز ہیں اور صوفیاء اور اولیاء کرام کے فیوض برکات سے انکے مریدین استفادہ حاصل کررہے ہیں۔
