وزیرآباد(نا مہ نگار) مسلم ہینڈز انٹر نیشنل کے زیر اہتمام رشید گراؤنڈ میں مسلم ہینڈ ز سکولز نیشنل فٹبال چیمپئن شپ کا انعقاد کیا گیا جسمیں مہمانان خصوصی صوبائی وزیر بلدیات میاں ذیشان رفیق،بریگیڈئیر (ر) بابر علاؤ الدین،کنٹری ہیڈ صاحبزادہ سید ضیاء النور،صاحبزادہ سید آل احمد،ناصر محمود اللہ والے، افتخار حسین صدیقی،محمد اعظم کلیر،پراجیکٹ مینجر امجد محمود صدیقی،پرنسپل نعیم فضل،واجد نعیم،افتخار احمد بٹ،نجیب اللہ ملک،محمد ادریس سپال ایڈووکیٹ،محمد نوید،عدیل احمد،کوچ رشید احمد،میاں مدثر نذیر،مرزا غلام مصطفی،ملک طارق،رانا عمر فاروق،محمد ذیشان،انجنیئر طارق،سابق کونسلر محمد جاوید،ایس ایچ او سوہدرہ مختار باجوہ،میاں عمران یعقوب،طارق جاوید ملک،محمد اشرف نثار،شہباز بخاری،شکیل اعوان،کاشف محمود خان،زاہد محمود ہاشمی،سکندر ملک سمیت دیگر نے شرکت کی۔ چیمپئن شپ میں پنجاب،بلوچستان،سندھ،کے پی کے،گلگت بلتستان،آزاد کشمیر سے مسلم ہینڈز سکولز کی ٹیموں نے حصہ لیا،میچ کا فائنل کوئٹہ اور پشاور کی ٹیموں کے مابین کھیلا گیا جو کوئٹہ نے ایک گول کے مقابلے میں چار گول سے میچ جیت کر اپنے نام کر لیا جبکہ تیسری پوزیشن وزیرآباد فالکن نے حاصل کی۔ میاں ذیشان رفیق اور بریگیڈئیر (ر) بابر علاؤ الدین نے خطاب کرتے ہوئے کہا کہ کھیل کو داورہم نصابی سرگرمیاں طالب علم صحت رکھنے میں بھرپورکرداراداکرتی ہیں،تعلیم کے ساتھ ساتھ کھیل کے مواقع فراہم کرنے والے تعلیمی ادارے ملک وقوم کی تعمیر وترقی میں کرداراداکرنے والے طالب علم تیار کرتے ہیں،مسلم ہینڈز انٹر نیشنل مستقبل کے معماروں کی جو تربیت کررہا ہے وہ قابل تحسین ہے،قومی سطح پر کھیلوں کے فروغ سے نو جوان نسل میں مثبت رجحان کو فروغ حاصل ہوگا،مستقبل کیلئے روشن خیال نسلوں کی تیاری مسلم ہینڈزانٹر نیشنل کا نصب العین ہے،فٹبال کی عوامی سطح پر مقبولیت بین الاقوامی سطح پر پاکستان کا نام روشن کرنے میں معاون ثابت ہو گی۔میچ کے اختتام پر مہمانان خصوصی نے جیتنے والی ٹیم کو ٹرافیاں،میڈلز ایک لاکھ روپے،رنر اپ ٹیم کو ٹرافیاں،میڈلز اور 70ہزار روپے جبکہ تیسری پوزیشن حا صل کرنے والی ٹیم کو بھی ٹرافیاں،میڈلز اور50ہزار روپے انعام دیئے۔(فوٹو ہمراہ ہے)
