جہلم(اختر شاہ عارف)آج ضلع جہلم کے مقامی گورنمنٹ پرائمری سکول ایف ٹی ایم Fauji Textile) Mill) میں مورخہ آج مورخہ 15 نومبر بروز جمعہ کو I-SAPS کے زیرِ اہتمام سول سوسائٹی ایجوکیشن نیٹ ورک سیشن پروگرام کا انعقاد کیا گیا ۔ جس کا بنیادی مقصد “The Key Education Challenges and Solutions “جس میں سول سوسائٹی سے تعلق رکھنے والے مختلف افراد نے شرکت کی ۔تحصیل و ضلع جہلم کے مختلف سول سوسائٹی ایجوکیشن نیٹ ورک کے ممبران نے بھرپور طریقے سے سیشن میں شرکت کی ۔پروگرام کا آغاز تلاوت کلام پاک سے ہوا۔ تلاوت کلام پاک کے بعد ہدیہ نعت رسولِ مقبول صلی اللّٰہ علیہ وآلہ وسلم پیش کیا گیا ۔اس کے بعد پروگرام کا باقاعدہ آغاز ہوا۔ڈسٹرکٹ کوآرڈینیٹر I-SAPS جہلم راجہ ذیشان اسلم نے سیشن کا آغاز کیا اور پہلے سول سوسائٹی ایجوکیشن نیٹ ورک کے مقاصد کو متعارف کرایا۔ اس کے بعد ضلعی اور مقامی سطح پر بہترین تعلیمی پالیسیزز کے نفاذ میں حائل مسائل کو زیر بحث لایا گیا ۔ ضلع کے تعلیمی نقشہ کو متعارف کراتے ہوئے ضلع میں گورنمنٹ سکولز کی کل تعداد ، استاتذہ کی کل تعداد ،داخل بچوں کی کل تعداد کا جائزہ لیا گیا۔اس کے علاوہ ضلع جہلم میں موجود سکولوں کے تعلیمی حالات کا جائزہ لیتے ہوئے بتایا گیا کہ بہت سارے ایسے سکول ہیں جو بنیادی سہولیات سے محروم ہیں جیسے کچھ سکول پینے کے صاف پانی سے محروم ہیں ۔ اسی طرح تعلیمی معیار بھی بہت نیچے ہیں ۔جسے بہتر بنانے کی ضرورت ہے ۔سیشن کا اختتام اس بات پر کیا گیا کہ بیان کیے گئے تمام مسائل توجہ طلب ہے۔ سماجی تنظیموں ، عوامی نمائندگان ،مقامی کمیونٹی ، سیاسی قیادت ، اور دیگر با اثر شخصیات کو چاہیے کہ اس سلسلے میں اپنا بھرپور کردار ادا کریں اور ممکنہ حد تک حل کرنے کی کوشش کریں تا کہ طلباء با آسانی تعلیم کے زیور سے آراستہ ہو سکیں ۔ اس کے علاوہ تعلیمی معیار کو کس طرح بہتر بنایا جائے اس موضوع پر بھرپور طریقے سے ڈسکشن کی گئی پروگرام کے اختتام پر سول سوسائٹی ممبران نے اپنی رائے کا اظہار کرتے ہوئے اس بات کا اعادہ کیا کہ جو ذمہ داریاں جو کہ اج کی ہمیں میٹنگ میں بتائی گئی ہیں۔ ہم ان پر بھرپور طریقے سے کام کریں گے۔جس کے بعد یہ پروگرام اختتام پذیر ہو گیا۔
