جہلم(اختر شاہ عارف) جہلم شہر کے گورنمنٹ الطاف حسین ہائی سکول میں آج مورخہ 16 نومبر بروز ہفتہ کو I-SAPS کے زیرِ اہتمام سول سوسائٹی ایجوکیشن نیٹ ورک سیشن پروگرام کا انعقاد کیا گیا ۔ جس کا بنیادی مقصد “The Key Education Challenges and Solutions “تھا۔اس پروگرام میں ضلع بھر کے ایجوکیشن افسران نے بھرپور طریقے سے شرکت کی ۔ سیشن میں ڈسٹرکٹ ایجوکیشن آفیسر میل جہلم (شہزاد صاحب) ،ڈسٹرکٹ ایجوکیشن آفیسر میل دینہ ( صفدر علی صاحب) ، ڈسٹرکٹ ایجوکیشن آفیسر فی میل جہلم (میڈم غزالہ انور)، اسسٹنٹ ایجوکیشن آفیسر ، ایریا ایجوکیشن آفیسر ڈونگی، شاہ سفیر، چک خاصہ ، بدلوٹ، چوٹالہ ، گھرمالہ، بڑگوا، مدھو کالس، ڈومیلی، پکھوال، داراپور، سوہن ، گھر محل اور اے ای او دینہ اور جہلم شامل تھے ۔
پروگرام کا آغاز تلاوت کلام پاک سے ہوا۔ تلاوت کلام پاک کے بعد ہدیہ نعت رسولِ مقبول صلی اللّٰہ علیہ وآلہ وسلم پیش کیا گیا ۔اس کے بعد پروگرام کا باقاعدہ آغاز ہوا۔ڈسٹرکٹ کوآرڈینیٹر I-SAPS جہلم راجہ ذیشان اسلم نے سیشن کا آغاز کیا اور پہلے سول سوسائٹی ایجوکیشن نیٹ ورک کے مقاصد کو متعارف کرایا۔ اس کے بعد ضلعی اور مقامی سطح پر بہترین تعلیمی پالیسیزز کے نفاذ میں حائل مسائل کو زیر بحث لایا گیا ۔ ضلع کے تعلیمی نقشہ کو متعارف کراتے ہوئے وہ ضلع جہلم میں موجود سکولوں کے تعلیمی حالات کا جائزہ لیتے ہوئے بتایا گیا کہ بہت سارے ایسے سکول ہیں جو بنیادی سہولیات سے محروم ہیں جیسے کچھ سکول پینے کے صاف پانی سے محروم ہیں ۔ اسی طرح تعلیمی معیار بھی بہت نیچے ہیں ۔جسے بہتر بنانے کی ضرورت ہے ۔ ہمیں چاہیے کہ اس سلسلے میں اپنا بھرپور کردار ادا کریں اور ممکنہ حد تک حل کرنے کی کوشش کریں تا کہ طلباء با آسانی تعلیم کے زیور سے آراستہ ہو سکیں ۔ اس کے علاوہ تعلیمی معیار کو کس طرح بہتر بنایا جائے اس موضوع پر بھرپور طریقے سے ڈسکشن کی گئی پروگرام کے اختتام پر تمام افسران نے اپنی رائے کا اظہار کرتے ہوئے اس بات کا اعادہ کیا کہ جو ذمہ داریاں جو کہ اج کی ہمیں میٹنگ میں بتائی گئی ہیں۔ ہم ان پر بھرپور طریقے سے کام کریں گے۔جس کے بعد یہ پروگرام اختتام پذیر ہو گیا۔
