لندن عارف چودھری
کنسلٹنٹ سرجن ڈاکٹر خرم صدیق و دیگر ساتھیوں نے رائل اولڈہم ہسپتال میں جونئیر ڈاکٹروں کو مختلف امراض کی سرجری اور تربیت بارے آگاہی دینے بارے کنسورشیم کا اہتمام کیا ۔ پیشہ ور ماہر ڈاکٹروں کنسلٹنٹ سرجن عامر خان، کنسلٹنٹ ڈاکٹر سہیل انور، کنسلٹنٹ ڈاکٹر غلام علی انجم -ڈاکٹر احتشام و دیگر نے خصوصی شرکت کر کے اپنے تجربے سے جونئیر ڈاکٹروں کو بتایا۔ڈاکٹر خرم صدیق کا کہنا تھا کہ ہم نے جنرل سرجری بارے آگاہی دینے کے لیے خصوصی کنسورشیم کا انعقاد کیا اس میں آپریشن سے لیکر مریض کی صحتیابی تک بارے اپنے تجربے سے جونئیر ڈاکٹروں کو آگاہی دی۔انکا مذید کہنا تھا جن ڈاکٹروں نے اس میں حصہ لیااور انہیں سیکھنے کا موقع ملا وہ اس سے انتہائی خوش تھے ۔ڈاکٹر عامر خان نے کہ ہم نے اپنے ساتھیوں کے ساتھ ملکر کنسورشیم کا انعقاد کیا تاکہ جونئیر ڈاکٹروں ڈاکٹروں کی مستقبل کے لیے تربیت کی جا سکے ڈاکٹر سہیل انور کا کہنا تھا کہ کنسورشیم کامیاب رہا جس میں پیشہ ور نرسوں ، جونئیر ڈاکٹروں و دیگر پیشہ ور افراد نے شرکت کی۔انکا مذید کہنا تھا ہم رائل اولڈہم ہسپتال میں اپنے ساتھیوں کی تربیت کو یقینی بنانے کے لیے کوشاں ہیں ۔ڈاکٹر غلام علی انجم نے کہا کہ تعیلم و تربیت کے لحاظ سے یہ ایک اچھا پروگرام تھا جس میں ہم نے اپنے جونیئر ڈاکٹروں کو اپنے تجربات سے آگاہی دی۔ انکا مزید کہنا تھا کہ ہمیں بھی جونئیر ڈاکٹروں سے بھی سیکھنے کا موقع ملتا ہے۔
رائل اولڈہم ہسپتال میں پیشہ وارانہ خدمات انجام دینے والے پاکستانی نژاد ڈاکٹرز اپنے جونئیر ڈاکٹروں کے روشن مستقبل کے لیے انکی تربیت میں اپنی مثال آپ ہیں
