وزیر آباد (طارق جاوید ملک) فنی میدان میں مہارت کے حامل نوجوان قوم کے قابل فخر سپوت ہیں۔بین الاقوامی چیلنجز سے نبرد آزما ہونے کے لئے تکنیکی ترقی ضروری ہے ۔ مسلم ھینڈز کے فلاحی منصوبہ جات سماج کے تمام طبقوں کو برابری کی سطح پر ترقی کے دھارے میں شامل کرنے کے لئے تشکیل دیئے گئے ہیں۔ان خیالات کا اظہار اسٹنٹ ڈائریکٹر سوشل ویلفیئر نے مسلم ھینڈز ٹیکنیکل انسٹی ٹیوٹ اینڈ کالج آف کمپیوٹر سائنسز میں فارغ التحصیل طلبہ وطالبات میں فنی ٹول کٹس فری تقسیم کرنے کی تقریب سے خطاب کرتے ہوئے کیا ۔ صدر تقریب لائیولی ھڈ آ فیسر شمس الرحمٰن نے کہا کہ مسلم ہینڈز دنیا کے پچاس سے زائد ممالک میں تعلیم صحت خوراک اور متاثرین کی بحالی کے پروگرامز کے ذریعے خلق خدا کی خدمت کے مشن پر کار بند ہے۔ پبلک ریلیشن پرسن طارق جاوید ملک نے کہا کہ مسلم ھینڈز کے بانی سید لخت حسنین نے روشن فکر کے ساتھ اپنی تمام توانائیاں محروم طبقوں کو بحال کر کے بربرای کاانسانی مقام دلانے کے لئے وقف کر رکھی ہیں۔اور مسلم ھینڈز نے بلا تفریق رنگ،نسل مذہب پوری دنیا کے لوگوں کی خدمت کو اپنا شعار بنا رکھا ہے۔ کالج کے پرنسپل محمد یوسف اور ایڈمن آ فیسر محمد ندیم قادری نے کہا کہ کالج ہذا میں بہترین اساتذہ اور جدید آ لات کے ساتھ سٹاف کی تربیت کے لیے پاکیزہ پرسکون ماحول فراہم کیا گیا ہے اور اب تک بارہ ہزار سے زائدسٹوڈنٹس تربیت حاصل کر کے ملک کے بہترین اداروں میں خدمات سر انجام دے رہے ہیں۔مہمان خصوصی افتحار حسین صدیقی نے حاضرین کو بتایا کے مختلف شعبہ جات میں تربیت مکمل کرنے والے نوجوانوں کو عملی زندگی میں روزگار کی سہولتوں کی فراہمی کے لیے سالانہ کی بنیاد پر کم وسائل کے حامل سٹوڈنٹس کو فنی ٹول باکس کی فری تقسیم کا سلسلہ سالہا سال سے جاری ہے اور یہ مسلم ھینڈز کے اکابرین سید لخت حسنین اور سید ضیاء النور کی مخلوق سے محبت کا عکاس ہے۔ اس موقع پر الیکٹریشن ،بیوٹی پارلر، فیشن ڈیزایننگ،کمپیوٹر اور ریفریجریشن کے شعبوں میں تربیت مکمل کرنے والے سٹوڈنٹس میں پروفیشنل ٹول باکس تقسیم کئے گئے۔
