پوری قوم قائداعظم کے وژن اور بے مثال قیادت کو خراج تحسین پیش کرتی ہیں۔فوکل پرسن وزارت اوورسیز اٹلی
اسلام آباد(نمائندہ خصوصی)بانی پاکستان قائد اعظم محمد علی جناح کا یوم پیدائش آج روایتی جوش و جذبے کے ساتھ منایا جا رہا ہے۔بابائے قوم کے یوم ولادت پر آج ملک بھر میں عام تعطیل ہے، سرکاری اور غیرسرکاری ادارے خصوصی تقریبات کا انعقاد کریں گے۔قائداعظم کے یوم پیدائش پر خیبرپختونخواہ اور ملک بھر میں خصوصی تقریبات منعقد ہوں گی۔اس موقع پر دن کا آغاز وفاق اور صوبائی دارالحکومت میں توپوں کی سلامی سے ہوگا۔بانی پاکستان کے یوم پیدائش پر گارڈز کی تبدیلی کی تقریب مزار قائد پر منعقد ہوگی اور پاکستان ملٹری اکیڈمی کاکول کا چاق چوبند دستہ مزار قائد پر گارڈز کے فرائض سنبھالے گا۔اس وقت پاک فضائیہ کے جوان مزار قائد پر گارڈز کے فرائض انجام دے رہے ہیں۔دوسری جانب وزارت اوورسیز کے فوکل پرسن برائے اٹلی اکرام الدین نے بابائے قوم کو خراج عقیدت پیش کیا ہے۔ انہوں نے کہا کہ قائداعظم کے وژن اور بے مثال قیادت کو خراج تحسین پیش کرتا ہوں،بانی پاکستان کی انتھک جدوجہد نے ہمارے عوام کو متحد کیا۔انہوں نے کہا کہ قائد اعظم محمد علی جناح نے خودمختار اور آزاد پاکستان کی بنیاد رکھی جو قابل تعریف ہے۔
