جہلم(اختر شاہ عارف) میٹرینٹی اینڈ چائیلڈ ویلفیئر ایسوسی ایشن (ایم سی ڈبلیو اے) رجسٹرڈ المرکزجہلم کا ماہانہ اجلاس آج گلشن حقیق ہال المرکزجہلم میں منعقد ہوا۔ جس کی صدارت ڈاکٹر شہزانہ امتیاز نے کی۔دیگر شرکاء میں ڈاکٹر شہناز شاہد چیف کنسلٹنٹ ایم سی ڈبلیو اے،سیدہ شاہدہ شاہ،کرنل(ر) محمد عبید مرزا،ڈاکٹر شاہد تنویر سابق ای ڈی او ہیلتھ
جہلم،ڈاکٹر محمد اسد مرزا،ڈاکٹر عائشہ مرزا،
روبینہ تبسّم سابق پرنسپل گورنمنٹ مدرستہ للبنات جہلم،فرزانہ اجمل،سعدیہ مزمل،سیدہ تہمینہ عروج،سدرہ مزمل،تہمینہ گل چوہدری،مصباح ڈار اور سید اختر علی شاہ شامل تھے۔اجلاس کا آغاز تلاوت کلام پاک سے ہوا۔جس کی سعادت کرنل(ر) محمد عبید مرزا نے حاصل کی۔جبکہ ہدیہ نعت رسولِ مقبول صلی اللّٰہ علیہ وآلہ وسلم سید اختر علی شاہ نے پیش کیا۔اس کے بعد تمام حاضرین نے مل کر قومی ترانہ پڑھا۔قومی ترانے کے بعد تمام مرحومین بالخصوص ادارے کے مرحومین کی ارواح کے ایصالِ ثواب کے لیئے فاتحہ خوانی اور تمام بیماروں کی صحت یابی کیلئے اجتماعی دعا مانگی گئی۔جنرل سیکرٹری سیدہ شاہدہ شاہ نے پچھلے ماہ کے ماہانہ اجلاس کی کارروائی پڑھ کر سنانے کے ساتھ ساتھ ماہ دسمبر 2024ءمیں گورنمنٹ اسلامیہ گرلز ہائر سیکنڈری سکول نیا محلہ جہلم میں ہونے والے پروگرام “ماں اور بچے کی صحت کے حوالے سے آگہی پروگرام”،25-دسمبر2024ء یوم قائد اعظم کے حوالے سے ہونے والے پروگرام اور ہر بدھ وار کو ہونے قرآن فہمی کلاس کی رپورٹ پیش کی۔فنانس سیکرٹری کرنل(ر) محمد عبید مرزا نے فنانس رپورٹ پیش کی۔ایم سی ایچ سنٹر انچارج تہمینہ گل چوہدری نے سنٹر کی رپورٹ پیش کرتے ہوئے بتایا۔گزشتہ ماہ دسمبر2024ء میں کل 79 مریض خواتین اور بچے اس سنٹر سے مستفید ہوئے۔جن میں دو الٹراساؤنڈ کیس بھی شامل تھے۔
اس اجلاس میں باہمی مشاورت کے ساتھ سال رواں 2025ء کے لیئے صحت کے حوالے سے پورے سال کے پروگرام مرتب کرنے کے ساتھ ساتھ ہر ماہ ہونے والے ماہانہ اجلاس کے لیئے میزبانی کرنے والے میزبانوں کا بھی چناؤ گیا۔
اس اجلاس میں نئی ممبر شپ اور فنڈ ریزنگ کے حوالے سے بھی لائحہ عمل طے پایا گیا۔اس کے بعد سیدہ شاہدہ شاہ نے ڈاکٹر شاہد تنویر اور کرنل(ر) محمد عبید مرزا کے ہمراہ المرکز کونسل جہلم کے صدر ڈاکٹر محمد اسد مرزا کو ملک کے مشہور رسالے ماہنامہ سرگزشت کراچی میں اپنی شائع ہونے والی سچی کہانی”جواری”کا اعزازی شمارہ پیش کیا۔
اجلاس کے اختتام پر تمام حاضرین کو پرتکلف چائے پارٹی دی گئی۔جس کی میزبانی تہمینہ گل چوہدری نے کی۔جس کے بعد یہ اجلاس اختتام پذیر ہو گیا ۔۔#######
