وزیرآباد(طارق جاوید ملک) ڈپٹی کمشنر گوجرانوالہ نوید احمد کا وزیرآباد کا دورہ،ڈسٹرکٹ ہیڈ کوارٹر ہسپتال،سرکلر روڈ،بر تن بازار کا وزٹ کیا۔ اسسٹنٹ کمشنر محمد رب نواز چدھڑ،صدر مرکزی تنظیم تاجران ناصر محمود اللہ والے،سنیئر نائب صدر محمد اکبر بٹ،صدر کیمسٹ ایسوسی ایشن عامر مشتاق چوہدری ودیگر بھی ہمراہ تھے۔ڈپٹی کمشنر گوجرانوالہ نوید احمد نے میڈیا سے گفتگو کرتے ہوئے کہا کہ تجاوزات کے خلاف آپریشن شہریوں اور تاجروں کے فائدے کے لئے کیا جارہا ہے اور بازار کھلے ہونے سے ڈسٹرکٹ کے لوگ جو خریداری کے لئے آتے ہیں ان کے لئے راستوں کو آسان بنادیا گیا ہے اور وہ کسی مشکل کا سامنا کئے بغیر وہ با آسانی خریداری کرکے اپنے گھروں کو جارہے ہیں،خواتین بھی اب بازار میں با آسانی آجا سکتی ہیں اور بناء کسی مشکل کا سامنا کئے بغیر اشیائے خوردونوش اور ضروری سامان کی خریداری کررہی ہیں،تجاوزات کے خاتمہ سے تاجر برادری اور دوکانداروں کے بزنس میں بھی اضافہ ہوگا۔
