وزیرآباد(طارق جاوید ملک)اسسٹنٹ کمشنر وزیر آباد محمد رب نواز چدھڑ کی زیر صدارت ایجوکیشن ڈیپارٹمنٹ اور نجی تعلیمی اداروں کے نمائندگان کا اہم اجلاس منعقد ہوا،جسمیں نیشنل ایسوسی ایشن آف پرائیویٹ سکولز ضلع وزیر آباد کے چیئرمین نعیم خاور، بلال وزیر چیمہ، ایجوکیشن ڈیپارٹمنٹ کے،ڈپٹی ڈی سی او ناصر اقبال بٹ،اے ای او آفتاب صادق چیمہ سمیت دیگر نے شرکت کی۔ اجلاس میں شہر کی تعلیمی اداروں کے ماحول کو بہتر بنانے کے لیے مختلف اقدامات پر غور کیا گیا۔اجلاس میں چار نکاتی ایجنڈے پر تفصیلی گفتگو کی گئی، جس میں درج ذیل نکات شامل تھے زیبرا کراسنگ کی لازمی تنصیب:* تمام سرکاری اور نجی سکولز کے باہر زیبرا کراسنگ بنانا لازمی ہوگا تاکہ طلبہ و طالبات کو محفوظ راستہ مل سکے،فکس ڈمپنگ ڈرم ہر سکول میں کوڑا کرکٹ کی مناسب تلفی کے لیے فکس ڈمپنگ ڈرم کا ہونا لازمی قرار دیا گیا،تمام تعلیمی ادارے شجر کاری مہم میں بھرپور حصہ لیں گے، جبکہ بڑے سکولوں کو کم از کم 1000 پودے لگانے کا ہدف دیا گیا،بیرونی دیواروں کی تزئین و آرائش:* تمام سکولز کو ہدایت کی گئی کہ اپنی بیرونی دیواروں پر خوبصورت رنگ و روغن اور دلکش پینٹنگز کروائیں تاکہ تعلیمی ماحول مزید خوشگوار بنایا جا سکے۔اجلاس میں واضح کیا گیا کہ ان ہدایات پر عمل درآمد نہ کرنے والے تعلیمی اداروں کی رجسٹریشن منسوخ کر دی جائے گی۔ اس موقع پر اسسٹنٹ کمشنر نے کہا کہ یہ اقدامات طلبہ کے لیے محفوظ، صاف ستھرا اور خوشگوار تعلیمی ماحول پیدا کرنے میں مددگار ثابت ہوں گے۔(فوٹو ہمراہ ہے)
