گورنمنٹ پرائمری سکول ٹھٹھی ارائیاں میں فیڈ دی نیڈ کے زیر اہتمام مختلف سکول کے بچوں میں تحائف تقسیم کرنے کی تقریب کا انعقاد کیا گیا

وزیرآباد(طارق جاوید ملک) گورنمنٹ پرائمری سکول ٹھٹھی ارائیاں میں فیڈ دی نیڈ کے زیر اہتمام مختلف سکول کے بچوں میں تحائف تقسیم کرنے کی تقریب کا انعقاد کیا گیا،جسمیں سابق چیئرمین بلدیہ بابو شعیب ادریس،اے ای او تعظیم طاہر،انجنیئر سلمان،افتخار احمد بٹ،عدیل ثناء اللہ،سرفراز احمد گھمن،احمد صداقت،ڈاکٹر یونس فراز،نعیم رضا سمیت اساتذہ اور طلباء وطالبات نے کثیر تعدادمیں شرکت کی۔بابو شعیب ادریس نے خطاب کرتے ہوئے کہا کہ فیڈ دی نیڈ ٹیم سکول اور کالج کے طلباء وطالبات کے لئے جو کاوشیں کررہی ہے وہ قابل تحسین ہے اور جہان تک ممکن ہوا میں بھی اس کار خیر میں بھرپور تعاون کروں گا اور بچوں کو تعلیم میں دشوار مشکلات کا حل کے لئے میں ہمیشہ فید دی نیڈ کے ساتھ ہوں۔سر ہارون شہزاد اور سرفراز گھمن نے نے بتایا کہ جو طلباء وطالبات یونیفارم،کتابیں،پنسلیں نہیں خرید سکتے ان طلباء وطالبات کے لئے فید دی نیڈ کی طرف سے تمام مذکورہ چیزیں فراہم کرنا ہمارا مشن ہے اور جو طلباء وطالبات فیس کی وجہ سے پڑھ نہیں سکتے ان کی فیسیں بھی ہم ادا کررہے ہیں،ہمارے پروجیکٹس کوطلباء وطالبات کی کونسلنگ،ہوپ تھرو ایجوکیشن،افطار ڈنر،امید ہوم،راشن پیکج جاری ہیں،انشاء اللہ فیڈ دی نیڈ کے پلیٹ فارم سے بچوں کو تعلیم دلانے اور انکے مسائل کے حل کے لئے ہر ممکن کوشش کرینگے۔تقریب کے اختتام پر طلباء وطالبات میں مہمانان خصوصی نے تحائف بھی تقسیم کئے۔