نورمقدم کیس میں سپریم کورٹ کا فیصلہ عدل سے مایوس اور انصاف کے متلاشی افراد کے لئے روشنی اور امید کی کرن ہے

Spread the love

وزیرآباد(ملک سکندر) نورمقدم کیس میں سپریم کورٹ کا فیصلہ عدل سے مایوس اور انصاف کے متلاشی افراد کے لئے روشنی اور امید کی کرن ہے سپریم کورٹ کے فیصلہ سے نظام انصاف کا بولا بالا اور جرائم پیشہ افراد کی حوصلہ شکنی ہوگی۔ان خیالات کا اظہار معروف قانون دان خواجہ محمد جمیل ایڈووکیٹ نے میڈیا سے گفتگو کرتے ہوئے کیا۔انہوں نے کہا کہ ناقص تفتیش اور قانونی موشگافیوں کی بنیاد پر سنگین جرائم میں ملوث ملزمان کی اعلیٰ عدالتوں سے بریت لوگوں میں مایوسی اور جرائم میں اضافہ کا باعث ہے لوگ عدالتوں سے مایوس ہوکر اپنے فیصلے خود کرنے کو ترجیح دے رہے ہیں اور احاطہ عدالت میں قتل کی وارداتیں روز کا معمول بن چکی ہیں،شنگین اور سخت سزا کا خوف مجرم کو سزا سے باز رکھتا ہے لیکن ہمارے نظام اں ساف مین بیرونی دباؤ کی وجہ سے سزائے موت کا تصور ختم ہوچکا ہے 99فیصد مجرمان کی سزائے موت اپیل میں موشگافیوں اور تکنیکی خامیوں کی وجہ دے عمر قید اور بریت میں تبدیل ہوجاتی ہے جس سے جرائم میں اضافہ ہوتا جارہا ہے۔خواجہ محمد جمیل نے کہا کہ اعلیٰ عدالتوں کے منصفوں کو سنگین جرائم میں ملوث ملزمان کے مقدمات کا فیصلہ کرتے ہوئے احتیاط اور اعتدال کا دامن نہیں چھوڑنا چاہئے اور ملزمان کے حقوق کے تحفظ کے ساتھ ساتھ مظلوم لوگوں کی بھی داد رسی کا خیال رکھنا چاہئے،نورمقدم کیس میں پرنٹ میڈیا والیکٹرانک میڈیا کے ساتھ ساتھ سوشل میڈیا کا کردار بھی انتہائی مثبت رہا ہے اور انہوں نے نام نہاد اشرافیہ کے بگڑے رئیس زادوں کی کرتوتوں کا پول عوام کے سامنے کھول کر رکھ دیا ہے متحرک اور فعل میڈیا کا کردار معاشرے کی اصلاح کے لئے انتہائی اہم ہے اور میڈیا کو اصلاح واحوال کے لئے اپنا کردار بھرپور طریقے سے ادا کرنا چاہئے۔

اس خبر پر اپنی رائے کا اظہار کریں

اپنا تبصرہ بھیجیں