ویسٹ مینجمنٹ کمپنی نے شہر وزیر آباد میں وزیر اعلیٰ پنجاب کے صاف ستھرا پنجاب کے خواب کو شہریوں کے لئے ڈراؤنے خواب میں تبدیل کردیا

Spread the love

وزیرآباد: ویسٹ مینجمنٹ کمپنی نے شہر وزیر آباد میں وزیر اعلیٰ پنجاب کے صاف ستھرا پنجاب کے خواب کو شہریوں کے لئے ڈراؤنے خواب میں تبدیل کردیا،افسران کو دکھانے کے لئے سینٹری ورکرز بڑی شاہراہوں پر کھڑے کردیئے جاتے ہیں جبکہ شہرکے گلیان کوچے گندگی اور کوڑا کرکٹ کے ڈھیر سے اٹے پڑے ہیں،طاقتور ٹھیکیدار کے سامنے اسسٹنت کمشنر وزیرآباد بھی بے بس نظر آنے لگے،وزیراعلیٰ پنجاب مریم نواز نے پنجاب کو صاف ستھرا بنانے کا عزم کررکھا ہے لیکن ویسٹ مینجمنٹ کمپنی کے ٹھیکیدار کروڑوں روپے ماہانہ وصول کرنے کے باوجود وزیرآباد میں سے گندگی اور کوڑا کرکٹ ختم کرنے میں مکمل طور پر ناکام ہوچکے ہیں، اہل علاقہ نے کہا کہ ٹھیکیدار نے زیادہ بچت کے لالچ میں طے شدہ تعداد سے کم سینٹری ورکرز رکھے ہیں جس سے صفائی کانظام پہلے سے بھی ابتر ہوچکا ہے۔شہریوں نے وزیراعلیٰ پنجاب مریم نواز سے ذمہ داران کے خلاف کاروائی اور ویسٹ مینجمنٹ کمپنی کا ٹھیکہ منسوخ کرنے اور وصول شدہ کروڑوں روپے واپس لینے کا مطالبہ کیا ہے۔

اس خبر پر اپنی رائے کا اظہار کریں

اپنا تبصرہ بھیجیں