

جہلم (بلال رضا)
تقریب دا آغاز پنجابی زبان تے ثقافت نال وابستہ خوبصورت اشعار تے نعراں نال ہویا —
“تیری ماں بولی اے بیبا، ککھاں ونگ نا رول
پنجابی لکھ پنجابی پڑھ، غیرت مندہ بول پنجابی”
محفل وچ نویں عہدیداران دا باضابطہ اعلان وی کیتا گیا، جنہاں نوں پنجابی پگاں پہنا کے عزت نال سرفراز کیتا گیا۔ سینئر طالب علماں تے کونسل دے رہنماؤں نے نویں آن والے طلبہ دا گرمجوشی نال استقبال کیتا۔
تقریب وچ موسیقی، مشاعرہ تے قوالی دے نال نال پنجابی زبان، قوم تے دھرتی پنجاب اُتے شعور انگیز تقاریر پیش کیتیاں گئیاں، جنہاں نال ماحول چہک اٹھیا۔
کونسل دے نمائندیاں نے خطاب وچ آکھیا کہ،
“ایہہ طرح دیاں تقریباں نال نوجواناں وچ اپنی بولی، ثقافت تے دھرتی نال محبت دا جذبہ ہور مضبوط ہوندا اے۔”
آخر وچ پنجاب نیشنل موومنٹ تے پنجاب سٹوڈنٹ کونسل ولوں معزز مہماناں نوں اعزازی ڈائریاں پیش کیتیاں گئیاں تے شرکا دی مزیدار کھانیاں نال تواضع کیتی گئی۔
