جہلم قبضہ مافیا کے خلاف حکومت پنجاب کا اقدام قابل تحسین، شہریوں کا بھر پور خیر مقدم

Spread the love

جہلم( بیورورپورٹ) جہلم قبضہ مافیا کے خلاف حکومت پنجاب کا اقدام قابل تحسین، شہریوں کا بھر پور خیر مقدم حکومت پنجاب کی جانب سے قبضہ مافیا کے خلاف سخت کارروائیاں اور حقداروں کو ان کی زمینیں واپس دلوانے کے اقدام کو ضلع جہلم کے شہریوں نے ایک تاریخی اور احسن قدم قرار دیا ہے۔ شہریوں کا کہنا ہے کہ یہ وہ مسئلہ تھا جس کے حل کے لیے لوگ نسلوں سے در بدر کی ٹھوکریں کھاتے رہے، مگر اب پہلی بار وزیر اعلیٰ پنجاب مریم نواز کے دور میں انہیں انصاف کی امید نظر آرہی ہے۔ ایک عوامی سروے میں شہریوں نے گفتگو کرتے ہوئے کہا کہ قبضہ مافیا کے خلاف قانون سازی اور عملی کارروائی سے عام آدمی کا اعتماد بحال ہوا ہے۔ شہریوں کے مطابق با اثر افراد اور لینڈ گریبرز کے سامنے کمزور طبقہ ہمیشہ بے بس رہا، جس کے باعث سینکڑوں خاندان اپنی جائز جائیدادوں سے محروم رہے۔ شہریوں کا کہنا تھا کہ وزیر اعلی پنجاب مریم نواز کی حکومت کا یہ اقدام صرف زمینوں کی واگزاری تک محدود نہیں بلکہ یہ قانون کی بالادستی، انصاف اور عوامی حقوق کے تحفظ کی علامت ہے٫

اس خبر پر اپنی رائے کا اظہار کریں

اپنا تبصرہ بھیجیں