ایف آئی اے پشاور زون کا حوالہ ہنڈی کے غیر قانونی کاروبار کیخلاف بڑی کارروائی۔

Spread the love

کارروائی کے دوران مجموعی طور پر 1 کروڑ 89 لکھ 83 ہزار روپے نقد رقم برآمد کی گئی۔

پشاور(نمائندہ خصوصی)اردو گلوبل نیوز کے مطابق ایف آئی اے پشاور زون کا تمرگرہ بازار، لوئر دیر میں حوالہ/ہنڈی کے غیر قانونی کاروبار کے خلاف بڑی کارروائیاں، ایف آئی اے کمپوزٹ سرکل پشاور نے تمرگرہ بازار، لوئر دیر میں حوالہ/ہنڈی کے غیر قانونی کاروبار کے خلاف کریک ڈاؤن کرتے ہوئے متعدد کامیاب چھاپے مارے۔ان کارروائیوں کے دوران درج ذیل ملزمان کو گرفتار کیا گیا۔ جس میں نعمان باچا،جواد احمد،عبداللہ، ولد نوید عالم
محمد آصف، ولد خان فقیر،بہادر شیر، ولد بخت منیر چھاپوں کے دوران مجموعی طور پر1 کروڑ 89 لاکھ 83 ہزار روپے نقد رقم برآمد کی گئی، جبکہ حوالہ/ہنڈی کے غیر قانونی کاروبار سے متعلق اہم ریکارڈ اور دیگر شواہد بھی قبضے میں لیے گئے۔ابتدائی تحقیقات کے مطابق تمام ملزمان بغیر کسی قانونی لائسنس یا اجازت کے حوالہ/ہنڈی کا غیر قانونی کاروبار چلا رہے تھے۔ملزمان کے خلاف قانون کے مطابق مزید کارروائی عمل میں لائی جا رہی ہے۔

اس خبر پر اپنی رائے کا اظہار کریں

اپنا تبصرہ بھیجیں